منتدى عالم الأسرة والمجتمع - عرض مشاركة واحدة

21-02-2008, 11:24 PM

المصرية

عضو متألق

تاريخ التسجيل: Mar 2006

المشاركات: 5,125

والله يااختى لو امه موجوده فى الرحله
هاتكون اجمل سفريه فى حياتك
كفايه انك طعتى زوجك فى امه
واعتبرتيها امك
صدقينى امه فى حاجه للسفر اكتر منك
والايام دواره
بكره تبقى ام لولدك ويسافر مع زوجته ويتركك
والله هاتزعلى
وهاتقولى فى عقلك بعد ماربيته اهتم بزوجته اكتر منى
وكل حاجه فى الدنيا بتكون دين علينا(بكره اللى بتعمليه هايتعمل معاكى)
يعنى ارضى ام زوجك وحطى فى بالك ان احترام الزوج فى وجود امه وعدم وجودها
وبالنسبه اليالى الرومانسيه فازوجك اغلب الوقت معاكى(عوضيها لما ترجعى بيتك)زوجك ليس مع امه اللى تعبت لحد ماجبته الدنيا وانتى ام وعارفه اد ايه الاولاد بيتعبو امهاتهم
بعدها بقيتى انتى اهم حاجه فى حياته عشان كده ساعدى جوزك انه يفرح ولدته باسبوع .......مقابل تعبها العمر كله عشان يطلع راجل محترم

احسن من انه يهملها ولقدر الله تزعل من جواها وتدعى عليكى انك تشوفى اليوم ده ابنك يفضل زوجته عليكى

أنا عارفه ان كلامى بايخ
لكن والله من حبى فيك عايزاكى تكونى زوجه طيبه زوجك يحمد ربنا ليل ونهار على النعمه اللى ربنا ادهالو انك بتساعديه وبتعنيه انه يبر بى أمه
ان شاء الله
تعملى اللى اخواتى قالو عليه
واللى انا دلوقتى بقولهولك
وحاولى على اد ماتقدرى اى موقف يزعلك من زوجك تتلاشى الموقف ولو بابتسامه او صمت
وبكره تيجى تحكلنا اد ايه كنتى مبسوطه بوجود ام زوجك معاكى

رحله سعيده وماتنسيش هديه لكل واحده فى المنتدى

__________________