المشاركة الأصلية كتبت بواسطة غـاليــة

رائــــــع ياحنــــان

امتعتي ظهيرتـي بموضوعك << شفتي الرواقة كيف

فعلاً الإيحاء الإيجابي له دور كبيــر في نفسية الشخص نفسه قبل يكون على عمله وانجازه فيه

مرّت علي مواقف بالجامعة حققت فيه مااطمح له بنظرتي الوردية والايجابية

اذكر في التيرم السابع كانت عندي مادة من قبل أدرسها يقولون صعبة ودكتورها أصعب !

وبدايةً اعترف خفت من كلامهم وصدقته وأول اختبار درجة مو حلوه أبدااا

قلت بسيطة اشد حيلي في الاختبار الثاني وبرضو درجتي صارت أقل

توترت كثييير وماصرت اقدر افكر لأنه لو حملت هذي المادة معناها راح أتأخر سنة كاملة

سبحان الله قبل اختباري جلست مع نفسي وفكرت كثييير أول شي اقنعتها إنه كل شي بيصير لي

ربي كاتبه حتى لو حملت المادة ، واقنعت نفسي إنه مافيه مانع إني اشد حيلي مره ثانية واطمح للنجاح

رغم انه معدلي تعبااااان حسيت بعدها اعصابي ريلاكس وحتى وأنا أذاكر مرتاحة داخلياً وراضية بنفسي

لأني مااهملت ولا استسلمت ، كانت المفاجأه لي كبييييرة بوقت الإمتحان لأنه الاسئلة ماأدري من وين كاتبها

دكتورنا ، جاوبت على كل شي حتى اللي ماأعرفه جاوبت عليه وعبّرت عن أي معلومة أذكرها بالمادة

وطلعت مرتاحة إني قدمت اختباري واجتهدت وتفائلت خير ماانسى شي واحد كان مرافقني هذاك الوقت

وهو الاستغفار وسبحان الله تخيلي نجحت فيها وعدّت على خييير احلى نتيجة وفرحة حسيتها بهذي المادة

حتى بأمور الحياة الثانية سبحان الله إذا حطيتِ في بالك شي معين تتمنين تحصلين عليه يتيسر الأمر

لأنك وثقتي بنفسك وجدارتك باستحقاقه ، اتمنى اكون أكثر أو على الأقل مثل قبل

موضوعك تشجيعي وحمااااسي إن شاء الله أكون جبل مايهزه ريييح

شكراً جزيلاً ياحنــــان : )