سود ، فلور ، كيوت بيبى ربنا يخليكم على الترحاب و دايما كدة كلنا نكون متجمعين فى الخير
الحمد لله الرحلة كانت جميلة و شفت اصحابى كمان هناك و هى فعلا بلد جميلة جدا و بجد ناسها طيبين و انا كعربية بفتخر ان دبى عربية
اما عن اللى جبتهلكم معايا بجبت برج العرب انا كان نفسى اخشه بس قالولى انه غالى جدا "اتمنى ادخله انا و زوجى" و بعدين فى احلى من دعاء المسافر هدية؟ انا مسبتش واحدة فيكم الا لما دعيتلها و ربنا يتقبل يااااااااااا رب و يفرح قلبنا بحملنا جميعا
مع انى و انا هناك و مع زيارتى لاصدقائى فى مصر و فى دبى لقيت اننا فى نعمة كبييييييييييييرة بعدم الخلفة "طبعا الاطفال نعمة" بس احنا كمان عندنا نعمة كبيرة من هدوء الاعصاب و اننا مش بنربى طفل نسأل عنه و ممكن نكون بنربيه غلط و احنا كمان مش عارفين اهى دى الحاجة اللى مخوفانى جدا لانى كنت اعيب على بعض صديقاتى فى طريقة تعاملهم مع اولادهم فقلت اكيد انا مش احسن منهم و اكيد حعمل حاجة غلط و حسيت ان اى غلط فى تربية طفل بيكون الاهل مسؤلين عنه و ربنا يكرمنا اذا ربنا كرمنا بالاطفال اننا نحاول نوصلهم لبر الامان بأمان و اننا نراعى بجد ربنا فيهم
وحشتونى كككككككككلكم و بحبكم فى الله
رب لا تذرنا فردا و انت خير الوارثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة