أختي الغالية من جد قلبي عورني عليك وقريت الردود كلها ..... الله يعينك ويفرج همك .... وبصراحة ماألوم جناين ورد لما عصبت منك لأنه ضعف الشخصية أكبر سبب ممكن يدمر المرأة ... بس صراحة لما شفت ردة فعل أمك عذرتك صراحة بس والله المسكينة يمكن من كثر ماهي تفكر في مشكلتك سارت تقولك كذا .... وأنا رأي إنك تتصلي عليها وتقوليلها رجاءا قفلي على الموضوع ولاتقولي لأحد مادام منت مستفيدة شي من إخبارهم إلا إن كان عندك أخ تثقين فيه دقي عليه وخليه يتفاهم مع زوجك وتضعين حد لمهزلة الضرب اللي تسير لك ...
وثاني شي صدقيني زوجك يحبك وعصيبته هذي دليل على إنه يبغى الأمور ترجع لسابق عهدها لكن يبغى المبادرة منك ... بس طبعا لابد إنك تكوني قوية وتجلسي جلسة تضعين فيها النقاط على الحروف ولما تتكلمي ضعي عينك بعينه وتكلمي بنبرة قوية وواثقة ومن غير علو صوت وقولي له بالحرف الواحد .......
( أنا بنت ناس ومتربية وماأخذتني من الشارع عشان تتعامل معايا بالهمجية هذي والبيت اللي شالني سنيني اللي فاتت بشيلني سنيني الجاية ولا تفتكر إنك ممكن تلوي ذراعي بالأطفال .... أطفالي لهم رب يحميهم وياخذ حقهم وأنا كرامتي وإعتباري فوق كل شي إما تتعامل معايا كزوجة محترمة لها حقوقها وواجباتها وإلا ارجع لأهلي معززة مكرمة وأشوف حياتي مع إنسان يخاف الله .... وأخشى عليك والله من دعوة تخرج مني في جنح الليل تدمر حياتك وربي شاهد عليك وعلى ظلمك لي .... والله ماراح تخرج من عقاب ربك وانت تهيني ليل مع نهار والدنيا قصيرة ممكن الموت ياخذك أو ياخذني في أي لحظة بايش راح تقابل ربك وانت مسوي في كل هذا
وعند الله تجتمع الخصوم ) أرجوك أختي تكلمي معاه بهذا الكلام وبنفس الوضعية اللي قلتلك تراه كلام يحرك الصخر .... أرجوك أختي ترى قلبي محروق من جد ...... اتخذي خطوات عملية ولاتحطي يدك على خدك وتستني الفرج صدقيني سلبيتك فضيعة لاتطاق .... أصلحي من نفسك عشان ربي يصلح حالك ...
وطمنينا الله يخليك على أخبارك
__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين
التعديل الأخير تم بواسطة بنت طيبة الطيبه ; 23-02-2008 الساعة 04:32 AM