فراشه
الحمد لله ان تطمنا عليك .. بس والله تمنيت يكون سبب تأخيرك حمل .. لكن يالله تأخر الوقت وان شاء الله مع التاخير بتكون الفرحه اكبر
ويالله ان شاء الله يتصلح النت وتنورينا على طول
انا عكسك في بيت اهلي ما القى مجال .. ادخل النت اخوي مسيطر على الوضع لانه يلعب في لعبه مع ناس من امريكا واليابان ... ويقول لاتمسكون الكمبيوتر وتحركون المرحله اللي وصلت لها ... وخلااااااااااااص عاد
على قولة المثل (انطر ياحمار لين يجيك الربيع)
وهكذا
وعلى طاري النت واخوي
مره امي مسكينه كانت لوحدها في البيت .. اخواني الاثنين كانو في رحله .. وهي مثل ماتقولين كانت مستوحشه الوضع لانها لوحدها في البيت والخدم كانو في غرفهم تحت
تقول ...
كنت في الصاله لوحدي ... وفجأه .. تسمع صوت رجال من غرفة اخوي .. ويصارخ وينادي ...
تقول امي وقف قلبي ... مش عارفه اروح غرفتي واقفل الباب ولا ادخل اشوف من فيها؟
والواحد هذا مستمر ينادي بأسم اخوي
ويقول وينك .. وتقول وبعدين يتغير الصوت ويجي صوت شخص ثاني وبعد ينادي ويكح ويصارخ ...
وتقول امي .. والله دمي نشف
واخرتها راحت نادت الخدامه بالجوال .. لحقيني فوق
وجاتها الخدامه وشوي شوي وصلو للباب والصوت يسكت ومره وحده يصرخ وينادي باسم اخوي
وفتحو الباب
تعتقدون شصار؟
طلع ان اخوي مخلي سبيكر الكمبيوتر شغال ... ودخلو اعضاء الفريق اللي معاه في اللعبه وينادوه بالمايكرفون وهو مش موجود
وشرايكم بهالموقف
__________________
اللهم بارك لي في ابني وارزقني خيرا
الحمدلله رب العالمين