الله يخليكم لي جميعا
والله كل الاعضاء اللي ردوا علي ما قصروا
تسلمون لي يا رب
انا مو متضايقة ابدا انه بااااااااار بوالديه
بالعكس يعلم الله انهم يكسرون خاطري لانهم كبار بالسن وانا اعمل الخير معاهم والله العالم اني ما انتظر منهم كلمة شكر
بالعكس اتحملهم واتحمل زعلهم وغضبهم وصراخهم علي والله اني ااجل موعد دكتوري اذا تعارض مع موعد اي دكتور يروحون له
مع ان والله اعلم بحالتي اني مرييييييييضة والدكتور نصحني اني ما احمل لان قلبي ما يتحمل لكن والله كله يهون عشان زوجي
المشكلة يا ناس اني احبه
افتقده
ولما اجلس مع اهل زوجي حتى تجي عيوني بعيونه ولو بالصدفة احسه وااااااااااايد بعيد عني
اقولكم وامري لله
انا يكون ودي اخذه بحضني اجلس جمبه اكلمه بروحي ولو شوي
يا جماعة الخير
والله انا افتقده
والله صدقوني
كنت بالاول اكلمه وانبهه اني نفسي احس بوجوده معاي
الحين صمتي هو ردي الدائم ودموعي كل يوم على خدي
والله انا ما امن بس لما يكون والديه محتاجين فلوس من ابناءهم خاصة انهم رجال وما في احد يعبرهم يكسرون خاطري لان عزة نفسهم ما تخليهم يطلبون
ويكتفون بما يعطيهم زوجي
وبالتالي فانا راتبي يتحول تلقائيا لجيب زوجي لاني ادري انه ما يكون معاه شي
مادري يمكن اكون غلطانة اني بحت بهالسر
بس على العموم ما احد يعرفني شخصيا هنا وهذا يريحني شوي
كل اللي اطلبه ان زوجي يعطيني شوي من وقته واهتمامه
ولاحظوا اني ما خصيت الكلام بس عن قعدته الطويلة مع اهله انا ذكرت ايضا انه اذا ما كان جالس معاهم فهو ايضا بعيد عني يكون جالس بالساعات الطوال امام الكمبيوتر ليلعب او يشوف برامج جديدة بس مو تشاتنج والحمدلله

على اي حال
خلاص
انا بتحمل وبحاول ازيد تحملي
يمكن انا غلطانة!!!!!!!!!!!!

__________________

	ترافقت انا وصديقي وذيب تحالفنا ثلاثتنا ما للخوف داعي صديقي من يجي الليل انومه على ذراعي خفت من الذيب يغدر وخوفي هيج اوجاعي قمت من نومي لقيت الذيب يحرسني وصديقي ورفيق دربي سارق متاعي