صباح الخيرات على احلى بنات

برشا حبيبتى انا قابلت واحدة عند دكتور النسا و عملت العملية دى بتقول انها متألمتش منها خالص و كل اللى تعبها بس خرطوم البنج و دا اتحسن فى نفس اليوم يعنى متخافيش و ان شاء الله تعدى على الف خير و تطمنى على نفسك بأذن الله

الفراشة احنا كللللنا بخير و نتمنتى نتطمن عليكى على طول

حلومة الجميلة طمنينى على رجلك عاملة ايه دلوقتى يا رب تكونى احسن عارفة انا كل يوم ابص على شريط الحمل بتاعك عشان اشوف فاضلك كام يوم عشان ترتاحى من وجع رجلك ان شاء الله الايام تعدى عليكى بسرعة و تخف فيها الالام اللى بتحسى بيها

الزاجلة و سود اخباركم ايه؟ و ايه اخر خططكم فى موضوع الحمل؟

اندينا حبيبتى نهارك عسل و يا رب تطمنينا على التحاليل اللى فاضلالك و تكون بخير

باقى البنات فينكم

مشمشة اخبارك ايه؟ ها هانت فاضل بكرة و تنورى البيت الجديد

شوشو جوزك رجع ولا لسة؟


رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة