لا بلاش الكذب ههههههه ،، اسمعي كلامي وامشي ورى كلامي وبتشوفي
انتي بترتاحي بتعرفي ليش ،، لانه الوحده لما تعطي الحنيه بتنتظر المقابل مقابل ليش مادي وانما حنيه
كلمة حلوه نظره ابتسامه طبطبه ،، لكن الوحده لما ما تعطي ما تنتظر شي وانما بتصير تفكر باشياء اخرى

انتي اشغلي نفسك باشياء اخرى والله بترتاحي هي بالبدايه شوي صعبه بس مريحه بترتاحي
هي مجربه ولا تكأبي نفسك ،، قوي شخصيتك ،، اصلا عيب انه الباب ينترك مفتوح احكيلو اريد اغلق الباب وبالمفتاح اريد اخذ راحتي بنومتي واذا حبيبتي هو اعترض احكيلو خلص روح نام عند امك احسن بجوز تنادي عليك وما تسمعها

واتركيه الا ميمل ويرجع ،،واعملي الي بدك اياه على شرط ما يغضب رب العالمين وايضا بدون تقصير باي حق من حقوق الزوجه ،، لانه الموضوع ممكن ينقلب ضدك باي لحظه وانتي ما عندك دليل قوي غير مشاعرك وهذا شي محد بيعترف فيه
رح يقول هي مقصره بحقوقي ما محضرتلي ملابسي كمثال يعني ، ساعتها بكون الحق معه .. اما اذا طنشتيه مابقدر يقول هي مطنشتني مثل ما انتي الان ما بتقدري تمسكي التطنيش كمشكله عليه ..


يعني الي يطلبه زوجك من اكل ملبس دلع نومه اعمليه والي ما يطلبه بلسانه طنشي لا تقعدي ادللي فيه وفي اهله
الرجل على فكره ما بحب البنت الي شخصيتها ضعيفه والي بتقول ايوه على كل شي

صيري قويه وما تسكتي عن حقك والا بتصيري عفوا الرايح والجاي يلطش فيكي
والي يزعل يشرب من البحر وصيري لا ابالي الطيبه ما بتنفع بهاد الزمن ،، ولا تنسي التطنيش

سبحان الله مافي مثل الانسان الدين الوحده بترتاح معو على الاخير ..

ديربالك على البيبي الامور الي جاي وان شاء الله بكون قدوم السعد عليكي ويلا يا حلوه دلليه على راحتك
نيالك حيصير عندك بيبي الله يباركلك فيه رح يملي حياتك ويسعدك وبكره بجي زوجك ببوس الايادي
بس ساعتها ما ترجعي مثل اول خليكي قويه ،، لان الرجال بعتذرو وبعد اكم من يوم بيرجعو على عادتهم

نصيحتي خليك قويه