أكتب اليكم لأول مره وأرجو ان تلاقى رسالتى تجاوب وتدعمونى معنويا لأنى بصراحة نفسيتى زى الزفت.الحكاية انى متزوجة من 10 سنوات والحمد لله الحمد لله رزقنى ربى بمولود جميل لم أدرك قيمته وقتها وكنت احسبة شيء عادى واحده اتجوزت لازم تبقى حامل وماما لكنى قدرت بعد ذلك مدى قيمة وأهمية تلك الكلمة جيدا يارب ربنا يعطى كل محرومة ويعطينى معاهم يارب. المهم ان من يوم ولادتى لإبنى وحتى اليوم (ابنى عمره تسع سنوات) لم أحمل تانى وذهبت للكثير من الأطباء المشهورين جدا فى السعودية ومصر وعملت عملية أطفال انابيب وتلقيح صناعى ولم تجدى نفعا حتى اتعقدت من الدكاتره والعيادات والعمليات والأدويه وقررت اتوقف عن كل ذلك والجئ الى ربى بالدعاء ومستمرة على ذلك منذ حوالى السنه . المهم انى الشهر ده الدوره تأخرت عن موعدها 5 أيام وكنت فرحانه لكن خايفه وقلقانه جدا لدرجة انى كل 5 دقايق ادخل الحمام وامسح بمنديل حتى ارى ان كان فيه دم او مبادئ دوره وخصوصا ان عندى مغصها ووجع ظهرى بشكل مفزع وحبوب بوجهى لكن مع كل ذلك متعشمة خير المهم انى قلت فى نفسى لو ما جاتش لحد بكره الصبح يبقى هأروح اعمل تحليل فى الدم لكن من حوالى الساعة 8 مساءا الليله بدأت الاحظ نزول افرازات كانت بيضاء ثم بقت متسخه ثم بها تشعيرة دم خفيفة لكنها للآن لاتزال افرازات فقط ولا تنزل الا بعد قضاء الحاجة فقط فهل معنى ذلك انها بداية الدوره ولا انتظر لحد بكره وهل لأنى كل شويه بأمسح بمنديل يكون له اى تأثير لو فيه حمل ولا حاجة وهل توترى وتفكيرى بالموضوع الف مره باليوم ممكن يكون سبب فى سقوطى لو فيه حمل . طبعا انتوا مستغربين وبتقولوا ماانا مجربه قبل كده لكن صدقونى كنت صغيرة ونسيت ده الموضوع من عشر سنين. أستحلفكم بالله ادعولى ولو حد عارف اية اللى انا فية جاوبونى, وشكرا لكم سلفا على الرد.