اختي الفاضلة ......
قبل كل شي لاتدخلين الشك في قلبك ترى الشك يخرب بيوت عمرانه وانا اللي فهمته من كلامك ان زوجك من النوع اللي يخاف ربه عشان جذي حطي له كل الاعذار وخلي شكك انه يعرف وحدة ثانية هو آخر عذر له ....
انا انصحك ان تحاولين تسوين تغيرات بسيطة في نفسك يمكن تلفت انتباهه إذا كانت الحالة اللي فيه من الروتين .. يعني إذا كان شعرك طويل قصيه وإذا كان اشقر سويه اسود يعني حاولي تسوين العكس بس بشرط ان اللي تسوينه يكون حلو عليك ... أو غيري من طريقة لبسك له حاولي تلبسين له لبس مالبستيه من قبل أو غيري لون ضوء غرفة النوم أو حتى فرش السرير عشان يحس بتجديد ويرجع مثل أول ..
وإذا كانت عنده ظروف مادية حاولي تساعدينه شوي مثل انك تقتصدين معاه في راتبه لين يمر من هالحالة ترى ماتتصورين الحالة المادية ممكن تؤثر في الأزواج لدرجة لأنه ممكن يحس بنقص أو انه مايقدر يوفر لكم كل اللي تبونه عشان جذي حاولي بعد دايما تقولين جدامه انك ماتقصر أو إذا اشترى شيء حق البيت قولي له دومك مومخلي علينا قصور مهما يكون الشيء اللي شراه تافه ...
وأولا وأخيرا انصحك يااختي لاتبينين محاسن زوجك جدام الناس ابدا ابدا لانهم ماتتصورين ممكن يخلون بالهم على اشياء ممكن اتكون عادية بس اهمه محرومين منها ولاتبينين مدى حبه لك أو العكس وإذا نام اقري عليه الفاتحة ، آيه الكرسي ، سورة الاخلاص ، الناس ، والفلق وإنشاء الله يرجع لك مثل أول واحسن
