أفضل عطوري .. من أبوفلان !!!!
,
,
من باب التقليد للأخ ( طفل متحدر دمعه ) حفظه الله ورعاه ..
سأضع هنا أفضل عطوري الي أستخدمها ..
ولكن سيكون الموضوع شامل يعني لازم يشاركون الأخوة ..
وهناك شروط ذكرتها في آخر المشاركة ..
,
,
طبعا لن أضع الأفضل ثم الأفضل ولكن سأضعهم كلهم ..
,
,
هذا إسمه ( لاليق ) أو ( Lalique )
رسمي جدا ويطول يوم كامل ..
سعره تقريبا ال 100 مل بـ 18 دينار كويتي ..
,
,
هذا عطر الشيخ دمااااااار شااااااااامل ..
من أجمل الهدايا الي أهدتني اياها أمي ( طبعا بعد كم نغزه مني ) 
سعره 45 دينار كويتي
أنصح به للمتزوجين ..
,
,
العطر هذا ( كريد الأبيض ) مجنووووووون ..
إشتريته قبل يومين من الدمام يوم سافرت لها يوم واحد ..
سعره 39 دينار كويتي , أو أنا خذيته بــ 500 ريال
من محل إسمه : .....................!! ممنوع ذكر أسماء المحلات
,
,
هذا عطر ( ألور اسبروت ) حلو مره ..
بس المشكلة مايطول واجد ..
بس الحريم يحبون يشمونه في أزواجهم .. والله أعلم
سعره تقريبا : 17 دينار كويتي ..
,
,
هذا العطر إسمه ( ديفي دوف سلفر شدو ) ..
جميل جدا وقوي ..
يقعد اربع الى خمس ساعات تقريبا ..
سعره : 15 دينار كويتي ..
,
,
هذا العطر اسمه ( سلفر سينت ) ..
يطول يوم كامل ..
ريحته قوية وتثبت بالملابس ونفاااااااااثه ..
جدا حلوه ريحته ..
سعره 13 دينار كويتي ..
,
,
وتقبلوا تحيات أخوكم أبوفلان ..
نرجوا المشاركة من الأخوة بأجمل عطوراتهم ..
بس لازم تذكر أشياء ( الشروط ) :
1- ذكر أسم العطر مع وضع صورته ..
2- ذكر سعر العطر ,, مو مشطلة إذا كان السعر تقريبيا ..
3- قوة العطر وريحته وهل تثبت في الملابس ولا لأ ..
4- أرجو عدم دخول المحادثات الجانبية ..
,
,
الاشراف/ تم تعديل العنوان وكذالك دمج الموضوعين
التعديل الأخير تم بواسطة SـSـSـيف الذهبي ; 08-03-2008 الساعة 01:04 AM