صباح الفل يا غاليين

ماسا

متزعليش من النتائج اللى عندك لانها فيها امل ليكى و لزوجك

انا كانت نتائج تحاليل زوجى اول مرة 6 مليون و بعد ذلك 9 و بعد ذلك 30 و بعد ذلك 16 و بعد ذلك 19.5 يعنى الحمد لله على كل حال على الاقل باب التلقيح الصناعى مفتوح قدامى عشان هو ممكن من اول 5 مليون يعنى انتى فى حالة زوجك ممكن تعملو تلقيح صناعى

و بعدين يا ست البنات لكل داء دواء خليه يروح للدكتور (جلدية و تناسلية) و هو حيكتبلو مقويات و هو برضو ممكن يكون عنده دوالى تحتاج عملية بسيطة و كل الامور تتصلح بس بتاخد وقت حوالى سنة لحد ما الامور ترجع الى وضعها الطبيعى فاذا كنتى مستعجلة اعملى التلقيح على طول

و كمان فى خلطات العسل انا زوجى مواظب عليها و اعتقد فيها كل الخير انها هى اللى حسنت العدد

يعنى يا ست البنات انتى باب الامل مفتوح امامك و الحمد لله انه متقفلش ، طب كنتو تعملو ايه اذا مكانش فيه حيوانات منوية خالص؟ ربنا كريم لينا و الحمد لله على النتيجة صدقينى احنا احسن من غيرنا كتير

ربنا عنده العفو ان شاء الله و انا تحت امرك فى اى سؤال

ملوكة ربنا يكرمك طمنينا عليكى يا حبيبتى

باقى البنات تقبلو تحياتى



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة