الله ييسر اموركم ويهدي نفوسكم ويجمع بينكم بخير ...
اخي العزيز ... سأقول لك كلام مبهم وانت فسره مثل ماتحب ...
الرجل يحركه العقل .
الانثى تحركها العاطفه .
( اشياء كثيره تدخل وتأتي تحت هذين التعريفين )
ننتقل إلى الخيال :
تخيل لو انها عندما قالت انت لست برجل ... كانت ردة فعلك واحده من التالي :
- ضحكة تهكمية مع شوية هزة راس وتمشي وتتركها .
- سؤالها ان ماكنت رجال وش اكون ؟ أو ان لم اكن رجل كيف تزوجتك ؟
- لو احتسبتها لله وسكت ومشيت وخليتها ورحت جبت الاغراض وحطيتهم بالبيت دون تتكلم وطلعت من البيت وطنشتها واذا رديت للبيت تستمر بسكوتك وتطنيشك لها ولو تحرشت فيك وتكلمت اي كلمه غير الاعتذار تطلع من المكان اللي هي فيه واذا تكلمت تقول لها بكل أدب لو سمحتي اذا ممكن تسكتي لأنك اذا تكلمتي ممكن اسمع اهانه ثانيه او اكبر من اللي جت وماأظمن نفسي عن مسايرتك في عدم الاحترام وانا احب اني ارتقي بنفسي وأحفظ الفاظي فالألفاظ الغير مؤدبه سهل تنقال والكل يقدر يقولها لكن الأدب بالكلام صعب الكل يقدر عليه , ومن ثم تدخل فيما قالته ( لست رجل ) ولو اني ماني رجل كان اقل شي اسويه امد يدي عليكي أو ارد الاساءه بإساءه أكبر ولا عندي شك برجولتي ولكن احب اكمل جملتك بعبارة ناقصه صح كلمتك اللي قلتي اني لست رجل لكن ماكملتيها انا ماني رجل قليل ادب .
انا تحملت كلمتك مو عشانك ولا عشان ولدنا ياما بيوت خربت والسبب كلمة وكبرها الشيطان والولد ماهو ظايع له رب وله ام وله اب ولكن منفصلين ولا هو الاول ولا راح يصير الاخير لكن مررتها المره هذي بمزاجي وبعتبرها لك غلطه ماتقصدينها وبنفس الوقت محسوبه عليكي واذا كنتي قلتيها لأجل تشوفي ردة فعلي اللي حرمتك منها بإرادتي ارخي لسانك وخليه يرمي من الكلام ماهب ودب .... ولكن عديتها المره هذي بإختياري لكن باقيه بنفسي ولأنه ماعندي شك برجولتي .
ومدري وش اللي خلاكي تقولي عني كذا يعني ( ..... وتبدا تسرد لها مواقفك الطيبه لها ومعاها ..... ) واذا خلصت من تعديد ايجابياتك تقول لكن بقول لك شي اللي شفع لك ( ...... وتعدد لها ايجابياتها .... ) واذا خلصت من ايجابياتها قل لكن للأسف على قد ماكنت شايف ايجابياتك لكن كلمتك هذي نسفت كل شي .... ورجعنا من جديد ... والكلمة هذي بشوف وش اللي طمعك فيني وخلاكي تقوليها لي واتجنبه حتى لو كان طيبتي معك أو حبي لك لأنك جرحتيني واهنتيني وبرفع نفسي عن الاهانه .
اما مسأله الرضاوه .... قل أول شي نتفق الرضاوه عشان الغلط اللي صار مني مايخالف لكن انتي وش تراظيني فيه لأن الخطا مشترك وماراح ادخل بتفاصيل من اللي بدا الخطا لأني مابي حياتنا توقف على غلطه .... واما الرضاوه مهي بيننا الرضاوه بين المتزاعلين وش رايك نخليها هديه لأنها ماتكون الا بين متحابين بس يكون بعلمك حتى انا انتظر هديتي ...
اما القسم اني ما اضربك هل عمري مديت يدي عليكي انا ماعودتك كذا ولا تمنيت امد يدي عليكي لكن انتي عارفه ان الكلمه اللي قلتيها ماهي بسهله وعشان كذا طلعت من طوري واذا انتي استأذيتي من ضربي لك فأنا أستأذيت من كلامك وتأذيت من ضربي لك لكن حنا زوجين وكل اثنين تصير بينهم مشاكل وخلينا ناخذ من اللي صار عبره ويمكن الله سبحانه خلا الشي هذا يصير بيننا بأول حياتنا لأجل نسعد مع بعض بقية حياتنا وتخيلي لو اللي صار ماصار لكن يصير وانا وانتي عجايز هذي المصيبة لكن يله الله يكفينا ابليس ونغزاته ....
ولو تلاحظ الكلام هذا فيه عدة رسايل منها تنبيه وفيها تحذير وفيها تهديد وفيها سماح وفيها دعوه لترجيح العقل وفيها بيان لفداحة مافعلت .
آسف للإطاله ..... ودمتم بود ....