اقولج شي ؟
بتكلم لج عن تجربتي ,
عاد آنه معروفة حدي خجوولة وبسرعة انحرج
فـ شنو تتوقعين بسوي بيوم المقابلة (او الشوفة على قولتكم)
تصدقين بهذاك اليوم بالذات كان جايين بس حق خطووبة
بس امه من كثر اعجابها فيني وإنها تبي تزوج ولدها بسرعة
وخصوصاً إن موضوع خطوبتنا تأجل وايد وتعلق اكثر من مرة بحكم صغر سني
المهم الام تحمست ذات الوقت وقامت على طولها اتقول بروح انادي ولدي
يجي يشوف العروس !!
عاد آناا بطلت عيني على كبرهم !! شنو يشوفني ! اليوم كان بس حق خطبة رسمية , عشان امه تجوفني وجذي خفايف !
حدي مو جاهزة حق مقابلة ولا شوفة .. مو جاهزة من كل النواحي واهم شي نفسياً !!
طبعاً وقتها ما مداني اقول شي من الصدمة والام خلاص راحت لـ مجلس الرجال ونادت ولدها .. !! بغياب امي كانت رايحة مادري وين ! يمكن بالمطبخ ويمكن بالغرفة مادري عنها ...!!
كلها ثووواني واسمع احد يتنحنح يبي يدش !
بللل هذااا صووته وي يمه يمه لحقيني ! بهالسرعة ! وكأن ما صدق على الله !!
لحقت على روحي بآخر ثوواني رحت طيران غرفتي وصكيت الباب !!!!! من خووفي من خجلي من كللل شي !! وخصوصاً إني ما كنت جاهزة ولا كان على بالي بصير بيني وبينه لقاء بالمرة
لكن ما مداني اهدأ من روعي واخلي نفسي يصير طبيعي ههه والا امي وامه يطقون علي الباب!! يلا طلللعي اكاا ينطرج بالصالة !
عاد آنه قلت لهم خله يدش الغرفة ! مستحيييل اروح الصالة ما اعتقد تصير عندي قوة اوقف قبالة (عشان اموت) !! خخخخ
عاد اهم سمعوا كلامي ما قالو شي , ونادووهـ
وآنا بلمح البصر لبست شيليتي وعباتي (مستحيل اقعد يمه بدون شي) !!
وصارت المقابلة بغرفتي ... وكانت مدتها ساعتين
تصدقين نص الوقت مندعسة (منخشة) ورى امي ومغطية ويهي بالمخدة ههههه
والنص الثاااني واقفة على باب غرفتي ومسكرته شووي عشان يغطي علي
ما سويت سوايا بذاك اليوم الكل حجى فيني
حتى إني ما تكلمت ولا كلمة بس اهز راسي بـ النفي او الايجاب
حتى إنه يسأل امي يقول ليكون تبون تعطووني وحدة ما تتكلم خخخخ يطنز مع ويهه احرجني
بس مابي اطول عليج
بس اقولج عشان يقل الخووف الي فيج
كلها جم ساعة وبس خلاص يخلص الشي !
واهم شي تكونين على طبيعتج, بدون نصنع
بالتوفيق حبووووبة
وناطرين الاخبار الحلوووة !
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>