مشكلتي مع خطيبي !! التدقيق في كل شيء
السلام عليكم ورحمه الله وبركاته
بعد ماشفت المنتدى والموضيع اللي فيه
عجبني كثير وعجبني طريقه رد الاعضاء فيها وكيفيه محاوله المساعده للعضو
يعطيكم الف عافيه ماقصرتو بجد
ــــــــــــــــــــــــــــــــــــــــــــــــــ ــــــــ
ابدء بمشكلتي
انا مخطوبه من ثلاث شهور تقريباا وعشر ايام
وعمر 23 سنه
في بدايه الخطوبه كانت علاقتي معاه اوكي زينه
بعد شهر بالضبط صار سوء تفاهم بينه وبين اهلي
وحمدلله عدت على خير
ومن بعدها صارت حياتي كلها مشاكل في مشاكل
انا مو قادره احبه عشان اسلوبه انا مو متعوده عليه
ولحد الحين مو عارفه كيف اتعامل مع هالشخص
يبغيني احطه في عيوني واسكر عليه
اوكي مو مشكله بس المشكله انا مو موجود عندي على طول
هو يغيب عني اسبوعين عشان عمله ويصير عندي اسبوع وقت الاوف حقه
وانا خطيبه لحد الحين مابعد نتزوج اكيد الحياه الخطوبه فرق عن حياه المتزوجين
هو يبغيني اتعامل معاه كاني فيه بيته
صعبه علي حيييل
طيب بقولكم كيف اسلوبه يمكن تساعدوني عشان افهمه اشوي
هو دقيق مرررررررررررررررررررررررره
دقيقه في كل شي كل شي
يدقق في شكلي في جسمي في اسلوبي في كلامي
والحين اخر فتره صاير كلى مشاكل كل يوم هواش
على كلامي معاه
انا اسلوبي اتكلم معاه عاااااادي اخذ راحتي في الكلام
تطلع مني اشياء عاديه مره وهو يسوي فيها قضيه كبيره
وحتى مره كنت امزح معاه
يؤؤؤؤؤؤؤؤؤؤؤؤؤؤؤؤؤؤؤؤؤؤؤ
شصار فيني لعب فيني لعب عيونه صار جمر وهو يصرخ ويهزء
وهو يبغيني اهتم فيه كيف اهتم فيه وهو بعيد عني
ومااقدر اكلمه حتى تلفون لازم هو يتصل علي
اذا كان موجود في دوامه رسمي كل يوم يتصل فيه يهاوش فيني
اما اذا كان قريب عندي لا اخف اشوي واحيانا الله يهديه ولا يصير شي
واخر اتصال مهددني فيه وقال لي اخر مره اشوفك تتكلمين معي كذا
لازم تدققين على كل كلمه تقولينها لي ولا راح تشوفين شي ثاني
يعني احتمال اتطلق
وانا بصراحه مابي اجلس في بيت اهلي
ياليت تلقون لي حل حق هذي المشكله باسرع وقت ممكن
لاني بجد تعبت من المشاكل هذي كل يوم تطلع لي سالفه تافه وتصير قضيه
بليز ساعدوووووووووني
ويعطيكم الف عافيه
الاشراف : عذراً, تعديل بسيط في العنوان. بالتوفيق
التعديل الأخير تم بواسطة !!حنيين!! ; 07-03-2008 الساعة 10:31 AM