السلام عليكم ورحمة الله وبركاته

اليوم طبقت عجينة الصفيحة للأخت أم جمانة على هاد الرابط

http://www.66n.com/forums/showthread.php?t=157261

لكن الحشوة كانت مختلفة مو نفسها

نيجي لطريقة العجينة

حطيت الخميرة مع الماء وأضفت لها رشة سكر وتركتها تتفاعل



خلطت اللبن مع زيت الزيتون واضفت الخميرو لها



حطيتها بوسط الدقيق وخلطتها باطراف اصابعي وبعدها عجنتها



وهاي شكل العجينة



غطيتها بقماش وتركتها تختمر ساعة



بعدها شكلتها لدوائر وتركتها ترتاح نصف ساعة



بهاي الأثناء كنت أحضر الحشوة

قلبت 4 بصلات بزيت نباتي



(الخطوات التالية اكتشفت اني ناسية صورها ههههههه)

أضفت نصف كيلو لحم مفروم ناعم

أضفت خلطة بهارات: قرنفل, جوزة الطيب, فلفل أسود, بهار مشكل, ملح, قرفة, سماق

شلتها من على النار وأضفت نصف كوب لبن

قطعت العجينة وعملتها دوائر .. وشعلت الفرن



حطيت الحشوة وأضفت فوقها الصنوبر

دخلتها الفرن



وهاي شكلها بعد ما طلعت من الفرن





عملت جمبها تبولة كذابة.. كتير بحب أعملها لما بكون مكسلة وما بدي افرم كتير بقدونس هههههه

وهي عبارة عن ملفوف أخضر مفروم ناعم, بصل أخضر, بقدونس, برغل, ليمون, زيت زيتون, ملح




شو رايكم؟؟؟