أختي أم السوسه
والله أرحتي قلبي بكلمة ( الله ) سبحان الله لا رحيم سواه وما احنا سوا بشر .. جزاك الله خير وأتمنى أنها فقط مرحله وتعدي ..
والله إني مو مستوعبه شي حتى بنتي أشوفها وأنا مستغربه ..
أنا حاولت بشتى الطرق إني ما أكون أنانيه ..
فقط من أجل ابنتي .. والله اني عارفه انه طلاقي نعمه .. بس انا انسانه ولي احساس مشاعري مو لعبه وربي خلقنا هكذا ..
مادري !
أختي طيف من نور
جزاك الله الجنه ..
كلامك عين الصواب ليس انا من يجب ان يحزن ..
بس وربي حاسه بضياع .. لما أسوي شغله انسى شنو قاعده اسوي .. لما اكلم احد اخربط بالكلام .. مو مركزه على حياتي الحين .. بس بنتي ماخذه وقتي .. لكن الكل يضغط علي يبي حقوقه من اهلي .. انا حتى صلة الارحام قامت تتعبني نفسيا ..
وخايفه مستقبلا عندما اذهب لوظيفتي الكل يبتعد عني مع اني محبوبه من الجميع بس الآن ابتعدت عن الجميع .. والله مو مني ..
وربي حبيبي احس غصب علي !!
أختي بسمه
جزاك الله خير ..
لكن أنا مستحيل أرجع له .. ابنتي الحمدلله موجوده بين اهلي لانهم ما قصروا علي وانا حامل فيها والحين تعودوا علي موجوده معاهم والحمدلله انا ما احب اثقل على اهلي ..
ربي حبيبي عطاني نعمة الطلاق ونعمة البنت اللي تسليني .. صدقيني يا اخت نسمه اللي تطلقو من غير اولاد ضاااايعين اكثر منا .. الحمدلله على كل حال ..
لكن انا اللي تعبانه لاني والله كنت اعطيه كل شي وحبيته بقوة وهذي غلطتي الحين اتعب من آثارها لانه كسرني .. بس ربي شتته وانا شفت ضياعه واذلال نفسه عشان يشوف بنته عقب ولادتها ..
لكنه مو هامني انا خايفه على نفسي ..
وبنتي اهي سبب قوة صبري الى الآن ..
أختي منتظره فرج ربها
جزاك الله خير اختي .. والله اقولج غصب علي مو بيدي اللي شفته من ظلم عماني عن التفكير .. قاعده احاول اوفر لبنتي كل طرق الراحه والحمدلله اهلي يساعدوني ..
حتى في صلاتي ما اقدر اركز او اخشع .. حيل خايفه من ربي .. انا ما اشتكيت لاحد غير اللي عالم بحالي وعالم بظلمي سبحانه .. بنتي في عيني .. بس خايفه ياخذها مني لما تكبر كل هالافكار
تتعب قلبي!!
أخي علاء الدين
جزاك الله خير .. انا كتبت موضوعي قبل ان اقرأ موضوعك جزاك الله الجنه عليه .. لكن والله يا أخي الآن الدنيا تخوف .. وخايفه من شياطين الانس.. والله يا أخي دخلت في موضوع عنوانه للمطلقات فقط لا غير في احد المنتديات الله يستر عليهم والله اني شفت العجب!!.. الى هذه الدرجه المطلقه ضعيفه .. انا خايفه من المستقبل اذا انتشر موضوع طلاقي .. هل سأسلم منهم !!
الله وحده اعلم!!
__________________
**صبري في الشدائد قوتي**
استغفر الله ** استغفر الله ** استغفرالله
**اللهم أجرني في مصيبتي واخلف لي خيرا منها **
** الحمدلله على كل حال **