يا اختي مالك الا الصبر، أنا مثلك و يمكن اكثر صار لي اربع سنين و نص متزوجة و الحمد لله بعد الصبر اتعدلت الامور شوي من الاول كانت حياتي كلها في بيت اهل زوجي يعني اربعه و عشرين ساعة لازم انكون عندهم ساكنه في شقه بس في نفس المنطقة الي فيها بيت اهله و امه و ابوه متعلقين فيه وايد و يبون اولادهم على طول عندهم حتى احنا طلبنا انه يكون لنا يوم نتغدى فيه مع بعض ابروحنا في شقتنا رفضوا، جدولنا اشلون يقعد الصبح و اروح الشغل يرجع من الشغل يأخذني من الشقه و انروح بيتهم و نتغدى نرجع البيت ينام على طول لانه تعبان من الشغل يقعد من النوم مع الاذان انصلي و نروح بيتهم مرة ثانيه لانهم يبونا نتعشى وياهم بعد و اهو عليه جامعة بليل يعني يوم الي عليه جامعه اروح الجامعة و رجعته من الجامعة ايأخذني و نروح بيتها و و ما نرجع الا و اهو تعبان بعد و ما يقدر اقاوم انه يقعد معاي مسكين اهو يحاول بس يغلبه النوم من التعب و ما يبي يزعل اهله، من كثر التعب اتصير اعيونه حمره و هو يحاول انه ماينام عشان يقعد وياييي و اذا ما راحنا يوم قامت الدنيا ما قعدت حتى العلاقة الحميمة اذا قلت ليش بالموعد. اقول اليوم الفلاني فارغ في الساعة الفلانية من زود ارتباطاته و الوقت الي يبقى من بعد الشغل و الجامعة و الدروس الدينية الي يروحها يكون لاهلة و يسوي موعد حق علاقتنا الحميمة لين تعبت و حالتي النفسيه صارت زفت و صرت اكره انه يعاشرني لانه بالموعد و هذا الشي ابد ما يصير بمواعيد يعني بعد ما يقعد من النوم و اصلي المغرب اقول عندي فرصه لعلاقتنا الحميمه الشيء اصير بسرعه يعني واجب و لازم اصير و هذا خطأ و بالعكس انرفزني و لا اتلاقينهم في هالوقت متصلين اتأخرتون تعالوا منتون ياييييين ويش هذا و ياااللللا يابنيه قومي بسرعه اغتسلي عشان انروح بيت اهلي لحد ما طفح الكيل.... سوري كتبت مشكلتي و هي اكثر من الي كتبت بس الي كنت امبي اقوله انش تصبري و راح تتعدل الامور ان شاء الله انا بعد اهتم في بيت عمي و احبهم وايد بس اهم ناسين انه عنده زوجه لها حق انا بالعكس دائما اقول له اذا عمتي "أمه" محتاجه شيء سو لها وصلها مشاويرها حتى لو كان على حسابي وايد مرات اكون املاقي فرصه انه يطلعني بس اصير انه عمتي عندها مشوار و اقوله اهي اهم ان شاء الله بتعوضني مره ثانبه و اهو ما يقصر الله يخليه لي يحاول يسعدني و حاس فيني بس لازم يرضيهم عشان الله يوفقه و وفقني وياه لازم يرضي امه و ابوه و هو متفهم احاول انه ما يقصر علي و ما اخلي امه و ابوه يزعلون و الحمد لله بعد صبري اتعدلت الامور شوي لانه حاول انه اخلي لينا وقت مع بعض بعدنا نفس اول بس احسن على الاقل صار لييي يوم كان كل ايام السبوع عندهم و طبعنا لازم انا معاه يبونا مع بعض هذا بس من حبهم لنا و ناسين حقوقنا بس قلت له لازم اتخلي لييي على الاقل يوم و صار ليييي يوم و الحمد لله طبعا هذا اليوم مو كله لييي لا بس الليل يعني اروح الشغل و انروح الظهر نتغدى بس في الليل لي ما انروح لهم و باقي الايام انروح لهم و لما اعتادوا الامر. و بعدين صار لي بعد يومين نتغدى فيهم مع بعض و نروح لهم في الليل يعني اروح بيت عمي كل يوم ما قطعناهم بس عدلنا الجدول اشوي كان تعديله صعب و لحد الحين اعاني بس اتعدل و احبوني و احبهم و متفاهمين و على احسن حال مع زوجي بس الي يعكر علينا ظغوطات الحياة و المشاغل يعني على اليومين الي نتغدى فيهم مع بعض في الشقه لحد الحين يتكلمون بس ماشي الحال اهو صار لينا يومين بالصدفه صار يروح الجامعة و اهو نايم انام في الشارع و اهو يسوق قال لهم انا ما اقدر اييي في هذا اليومين عندي جامعه مشت السالفه كم يوم بس ردت عمتي اتقول مشكل عليه يعني ما يقدر اييي يتغدى و تالي يروح انام و اروح الجامعة قلت لها اييي تعبان و انييي عندكم نتغدى و ما نطلع من عندهم الا الساعة ثلاث و نصف و على ما انوصل و اغير ثيابه و ينام لازم يقعد 4 و ربع عشان اجهز روحه للجامعة و يطلع لانه محاضرته الساعة 5 ما في وقت يستريح و لين رجع من الجامعة 8 و نصف لو تسع رحنا لهم و ما يلحق يستريح عشان يقعد لصلاة الصبح و من بعدها ما ينام يقرأ قرآن و ادعيه لما اصير وقت الشغل فلما ايروح الجامعة العصر اينام في السيارة خافت عليه و قالت بس خلاص لا ايييي يتغدى خله علطول اروح انام و لا في داعي اتسوين له غداء بعد و الحين هالفترة لما خلص جامعة و ارتحت من شيء واحد من مشاغله قالت عمتي ليش الحين ما اتيوون تتغدون خلص جامعة و انمشي الموضوع و اردون بعد فترة متعودين الحين ما ايييون لنا الاحد و الاربعاء يتغدون و انمشي السالفة و بس الحمد لله لو صار كلام من حبهم لنا و رغبتهم انه على طول انكون عندهم صبرت و الامور الحين احسن الحمد لله الحمد لله الحمد لله فانا اقول ليش صبري و حاول تتفاهمين وياه و اتقولين له انه ليش حق و انك تبين حقش بس اكيد مو على حساب حقهم و لو تبين اقول ليش و اشيب راسش من الي عندي بقول بس انا كتبت كل هذا عشان بس تتعلمين مني و اتشوفين حجم مشكلتي و اتحاولين مثل ما انا حاولت و تصبرين لانه لين سعيتين و سعى على رضى والدينه راح تتوفقون و الله ايسر اموركم و يسعدكم