المشاركة الأصلية كتبت بواسطة فاكهة بري

شكرا لكم على ردودكم و انا اخذت كل الردود بعين الإهتمام وبصراحة اخيرا حسيت ان في هذه الدنيا احد اقدر اشكي له همي ويحس فيني

بالنسبة للي اقترحوا ان اروح معاه لأهله المشكله ما اقدر ابات معاه لأن عنده اخوان كثيرين يعني البيت كله اولاد ومراهقين يعني انا ما راح ارتاح ببيت اهله اما عن الزيارات فصدقوني كل مره انا اللي اقول له اني ابي اروح لهم لأنهم دايما يقولون اني ما ازورهم لكن انا ليش قلت زياراتي لهم لأن كل مرة ازورهم ارجع دمعتي على خدي دايما يذكروني اني يتيمة وانهم خطبوني بس لأني كنت كاسرة خاطرهم ولأنهم يبون يكسبون فيني اجر هذا غير اني فقيرة وانهم من طبقة ثانية و يتكلمون عن اشياء تخليني احس اني مدعاة للشفقة وانهم زوجوني ولدهم حتى يكسبوا فيني اجر وهذا يخليني بعد ما ارجع من عندهم اقعد مريضة نفسيا كم يوم واذكر حالة ابوي وكيف كان عني لماكنا صغار وكيف كان يشتري لنا الذهب والملابس بس ان الزمن جار علينا بعدين واحيانا يبينون لي ان احنا كان عندنا مشاوير واجلنا بس حتى نقعد معاك و طول الجلسة يعيدون بالسالفة لزين انا انحرج وا حس اني جيت بوقت غير مناسب
المهم اسفة على الإطالة بس حبيت ان تفهموا و ضعي انا والله طيبة واحيي فيه خصلة بره لوالديه بس والله انا تعبانه لأن الحين طالعة لي قصة ان اهلي ما يبوني ابات لوحدي بالشقة وهذا معناه ان ارجع ابات ببيوت اخواني وانا والله مابي ارجع للعذاب والسيطرة اللي كنت عايشتها
الأخت ام غالب 70 انا احيي فيك الصبر بس انا والله ما اقدر اصبر مثلك يمكن انتي اقوى مني انا هدني الصبر صبرت كثير بحياتي
اما عن الإنجاب فانا احاول واتمنى ان احمل بس للحين الله ما كتب حتى هالموضوع بدا يقلقني وبديت اخاف ان يكون عندي مشكلة اوشي ادعوا لي بالذرية الصالحة شكرا لردودكم ريحتني كثيييير