اقتباس:
المشاركة الأصلية كتبت بواسطة النجمه المسافره
السلام عليكم ورحمة الله وبركاته
مشكلة اخت زوجي الي وصلت لمرحلة عمرية متقدمة ولاتزوجت ومااحد تقدم لها
الزواج قسمة ونصيب وكل تاخيرة فيها خيرة
اهلها الله يهديهم يجرحونها بالكلام والله قلبي يتقطع عليها ادري ان اهلها يهمهم مصلحتها اكثر مني
اسلوبهم جاف شوي دايما يعايرونها اذا صارت مشكلة بينها وبينهم ويرددون كلمة انت عانس
لو فيك خير ماجلستي طول هالفترة بلازواج كل البنات عرسوا وانتي طيحة في كبودنا
ويعايرونها ان شكلها موب حلو
اذا قلت لزوجي ان يكلم اهله علشان يخفون عليها قال لي مالك دخل وخليك بعيدة ولاتتدخلين
البنت والله قريب وتجي لها حالة نفسية بسبب هالعيشة هي بطبعها ماتحب تطلع عادي تمر شهور وهي في البيت ماشافت الشارع ماعندها صديقات وتخرجت وجلست في البيت حاولت اقنعها تدخل دورات في الحاسب او الانجليزي رفضت والوظايف بطلعة الروح تجي
مهملة نفسها لدرجة فضيعة ماتلبس الاالملابس القديمة الفضفاضه الي يشوفها يقول ان عمرها 35 سنة
وديتها معي السوق علشان اشتري لها ملابس وميك اب وحاولت فيها ان تختار الي يعجبها ماقبلت صدمني كلامها ان مهما لبست وتعدلت شكلها موب بيعجب احد هي مقتنعة ان مهما سوت تبقى بشعة ؟!
كيف اتصرف معها وربي اني اعتبرها مثل اخت واكثر بعد
|
غريبة ان اهلها يعايرونها وهم الذين انجبوها .. اليست هي من ورثت هذه الصفات الخلقيه منهم ؟
مشكلتها في الاساس مشكله نفسيه تسبب فيها الاهل .. حاولي ان تقنعيها بصوره مستمره ودائمه ان الجمال ليس هو كل شيء في المراة .. وليس هو الطريق الوحيد لكسب قلوب الآخرين ..
واي امرأه في العالم توجد بها صفات انوثيه وجاذبيه تحتاج الى اكتشافها واظهارها بافضل صوره ..