وحشتوني وحشتوني وحشتوني
حبيبات قلبي وأمهات المستقبل وحشتوني جدا جدا جدا
الف مبروك علينا الجزء الثامن ويا رب يكون الأخير والتالي يكون عاشقات الأمومه (حذفت حلم لآنه هيكون واقع بإذن الله )
انا ديلوقتي في مصر وزوجي جاي الفجر ان شاء الله يجيلي بالسلامه يارب اشكر كل من سأل عني ويارب كلكم دايما بخير وفرحانين احلى فرحه
عشوقه الف سلامه يا قلبي على والدتك يا رب تكون عدت العمليه على خير يا رب العالمين ويتم عليها الشفاء العاجل ويفرح قلبها بخبر حملك هذا الشهر يا رب العالمين
كوكاره واحشاني جدا يا بطه هتروحي العمره امتى ان شاء الله ربنا يتقبل منك طبعا مش هوصيكي تشربي من ماء زمزم قد ايه انتي وجوزك وانتو هناك لحد ما تحسي ان بطنك اتملت منها ووصلت لزورك ويا رب يتقبل منكم ويجعلها سبب رزقكم يارب واوعي تنسيني في دعاءك وانتي كمان يا زاجله ليكي نفس الكلام
ملوكه طمنيني عليكي يا حبيبتي ليه غايبه عننا انا مقدره مشاعرك ربنا يهون عليكي ويزقك الصبر والسلوان ويعوض عليكي عوض الصابرين يا رب العالمين
سعود يا رب ما تيجي الدوره وتطلعي حامل يا رب بشرينا
جنا دان اهلا بيكي معانا يا قمر منورانا ويارب نكون وش خير وسعد عليكي وتكوني كمان علينا اختك كمان مصريه ومشكلتي نفس مشكله كوكاره وان كمان مع جوزي في الكويت من سنه و3 شهور وكان بس انا ديلوقتي اجازه في مصر واجعه الكويت آخر الشهر ان شاء الله وكان المفروض اقابل كوكا قبل ما اسافر بس محصلش نصيب ان شاء الله لما ارجع الكويت نتقابل
ماما كريستالا قد ايه فرحنالك يا قلبي ربنا يتملك على خير وتقري عينك بشوفة الغالي بين احضانك يا رب
حلومه مفتقداكي يا حبيبتي الف سلامه عليكي من التعب وقلة النوم وان شاء الله ربنا يوعدك بساعه سهله جدا يا رب يا كريم ارزقها ساعه سهله وطفل صحيح معافى بار يا رب اوعي تنسي تدعيلي ويارب يطمنا عليكي
نورا عامله ايع يا بطه هانت ان شاء الله ربنا يقومك بالف سلامه ونطمن عليكي وعلى النونو انتي مقولتلناش انتي ناويه تسمي ايه ان شاء الله
برشا برشا انا مش ناسياكي بس مفيش جديد ربنا يطمنا عليكي يا رب ونفرح بيكي في القريب العاجل
لحن الوفاء يارب ما تشوفيها الا بعد الولاده يا رب
مياااااااااا فينك يا بنت ابتديت اقلق عليكي يا رب مش كفايه علينا غموضه اللي واخده قلبنا معاها ربنا يردكم على خير يا رب
ماسا فينك يا احلى بنوته ليه الغياب دا كله احنا منقدرش على كده طمننينا ربنا يريح قلبك ويرزقك ما تتمني عاجلا غير آجل
زهروره ايه اخبارك يا عسل قوليلي ابتديتي ولا لسه ربنا يوفقك ويرزقك بالتوأم يا رب
الحزينه والله قلبي مشغوف عليكي ونفسي اسمع منك خبر حلو يا رب ما تخيب املها ولا تدهها خائبه يارب طمنينا يا قلبي
الفراشه حاسه انك وراكي سر كبير وهترجعي تقوليلنا انك حامل يارب ظني في محله بس مطوليش علينا كلنا هنفرحلك جدا و متنسي بشرتي ليكي
سعود
صمتي عذاب
فلورا
فيفي
سيده برتقاله
اعذروني اذا كنت نسيت حد بس كلكم في القلب
يا رب ارزقنا جميعا وكل الملهوفين من المسلمين بالذريه الصالحه واجعلنا من الصابرين الشاكرين واجعله في ميزان حسناتنا ا رب العالمين
استغفرك ربي واتوب اليك
استغفرك ربي واتوب اليك
استغفرك ربي واتوب اليك
استغفرك ربي واتوب اليك
استغفرك ربي واتوب اليك