ياقلبي عادي من ناحية الحلف والكذب عندي زوجي نفس الشي الله يهديه يحلف وهو كاذب .. ويقول امزح <<< الله يهديه بس
ومن ناحية اخته انا عارفه شعورك لكن حاولي انك انتي الي تنصحينه يزورها ولو مر يومين مازارها قوليله ترى من زمان ماشفت اختك كلمها ولا روحلها ..هو في البداية بيستغرب وبيسمع كلامك وبيروحلها لكن مع الوقت بيمل ويصير يطنشها شوي لأن الشي اذا زاد عن حده ينقلب ضده ... وبعدين قوليله يقوللها انك تذكرينه فيهم لأنها وضحتلك انها حاسة هي وبناتها انك بتبعدينه عنهم ..
واذا حاولت تستفزك هي وبناتها عااااادي بردي قلبك وطبقي المثل الي يقول (لا اسمع لا ارى لا اتكلم ) حتى لو سبتك اسكتي او ردي عليها بمزحة ولطفي الجو او سوي نفسك مانتي فاهمة شتقول..
واذا مدحت حريم ووصفتهم قدامه اسكتي او حاولي تغيرين الموضوع من غير مايحس زوجك ..
اذا مر وقت طويل ماطلع مع اخته و بناتها قوليله ترى من زمان ماطلعتهم شكله ابوهم مايطلعم مساكين اطلع انت وياهم وانتبهي لاتروحين معهم حتى لو طلب منك واعتذري بأي عذر علشان ماتزيد غيرتهم لأن كل هالحركات الي يسوونها معك لأنهم غيرانييين منك ..
واذا جلسوا بناتها بحضنه عادي طنشي واعتبريهم بناته ..
حاولي تجيبينلهم هدايا وخليك اطيب منهم حاولي تسألين اخته عن بعض الاشياء وعن الاسواق الحلوة حاولي تبينين لها انك ماتعرفين كل شي وانها احسن منك شوي بس طبعا لا يكون زوجك موجود ..
واذا قالتلك ان زوجك لها بالنهار ولك بالليل قوليلها حلالك انتم اخوان الله لا يفرقكم يااارب .. (صدقيني بتنقهر )
خلي لسانك حلو ولا تتكلمين معهم الا ( بـ ياقلبي وياحياتي ويابعد هالدنيا) لكن مو مرة وحدة تقولينلهم هالكلام لا اول شي تودديلهم بتصرفاتك بعدين بالكلام الحلو صدقيني بتسحرينهم وبتخلينهم يحسون بالذنب ولاتستعجلين على النتيجة لأنهم يمكن مايصدقون هالتغير في البداية ويحاولون يستفزونك علشان تطلعين على حقيقتك لكن انتي طولي بالك معهم وادعي ربي يسخرهم لك ويسخرك لهم وكثري من الاستغفار ... وان شاء الله يتغيرون معك ..
وخالتك الله الله فيها لا تقطعينها وروحيلها لو مرتين بالاسبوع خاصة اذا ماعندك عيال واذا ماقدرتي تروحينلها لظروف معينه كلميها اهم شي لا يمر اربع ايام الا انتي مكلمتها او رايحتلها لا تخلين زوجك يحس انك مقصرة مع امه ترى اهم شي عند الزوج ان زوجته تبر بأمه وتوصلها وتحب اخواته وقوليله ودي نشتري هدية لخالتي ...
التعديل الأخير تم بواسطة قطرة مطر2 ; 23-03-2008 الساعة 02:04 AM