شكرا لكم وشكرا البراء ومعاذ


قولكم على الي صار

امس ما قدرت انام من الهم والتفكير وحاولت افتح جواله طرق غير شرعيه وفتح معي وما كان فيه شي انا كنت خايفه منها هي خايفه لا تعيد الكره مع اني قلت لكم ان ها الكلام قلبل 22 يوم طعبعا انا ذيك الفتره كنت مسارفه عند اهلي لاني جلست اشوف تواريخ الرسائل وبعد ما زوجي ارسل لها وقال الله يستر عليك انا متزوج واحب زوجتي ارسلت هي رسالتين من بكرا تبي تعرف رايه في موضوعها بس هو ما رد هذا كله كان في الجوال


المهم
اقولكم ما قدرت انام من الهم والتفكير خصوصا اني اعرف زوجي رجل تقي ويخاف الله فا كان خوفي منها كبير قلت اكيد انها خبره فا جلست لحد الساعه 8 الصبح وما قدرت انام قعدت استغفر ودعيت ربي ونمت با العاده هو يروح دوامه بدري ها المره طلع الساعه 10 قمت بعد ربع ساعه من طلعته لاني حسيت فيه ورحت اتصلت على رقم مكتبه الثابت ما دقيت على الجوال شوفو ابليس وشلون قعد يلعب فيني وادق وادق ما يرد قمت اتصلت على جواله ومكالمتي رسميه مره لانه كان من امس مستغرب تصرفاتي فا دقيت على جواله قلت له وينك قال برا قلت ما رحت للشغل لان شركتهم قريبه من بيتنا قال رحت وهذاني طلعت ما سئلته وين قلت بروح مع السواق للمستشفى قال ليش قلت راسي يعورني وبروح قال طيب وش فيك قلت له قلتلك الي فيني قال انا اوديك قلت لاء بروح مع السواق قال انتي وش فيك انتي فيك شي خلك صريحه وتكلمي قوليلي وش فيك قلت ما فيني شي قالالا فيك شي والله العظيم شوفو كيف الاستغفار والدعاء وش يسوي والله ان زوجي على طيبته الا انه عنيد عنيد وما اتذكر في حياته برر لي موقف الا نادر او اعتذر الا نادر او حتى سئلني وش فيك اذا كنت زعلانه على طول لانه عنيد وانا عنيده يعني يجيني بطرق غير مباشره وانا افهم انه يبي يراضينيي عاد ها المره بعد الدعاء والاستغفار ويقيني بان ربي يبي يفرج عني جابه عندي

اكمل لكم
قلت قلت لك راسي قال اي مستشفى قلت المستشفى الفلاني قال انا اتصل عليهم قلت لا تتصل ولا تسوي شي انا بتصل قال وان شاء الله عند دكتور والا دكتوره قلت بتصل وبشوف مين الي موجود قال لا والله واذا الي موجود دكتور ناويه تدخلين وبعد بدون محرم قلت محرمي اعيالي قال اقول بلا خربطه وقولي الي عندك وروحه مع السواق مافيه قلت طيب وسكر اول ما سكرت الا اسمع صبخة الباب

الا اشوفه قدامي
طارت اعيوني

قال خير وش فيه عطين الي عندك انا عارف ان فيك شي من امس وانتي منتب طبيعيه قلت راسي يعورني قال قلت لك اوديك قلت ما ابيك توديني قال ليه قلت لانه شي يخصني قال الي يخصك يخصني قلت وليه ما يصير الي يخصك يخصني مو لازم اصير كتاب مفتوح لك قال الا هذا الي لازم يصير انتي زوجتي ومن حقي اعرف وش يصير لك

طبعا هو يمهد للموضوع ويبيني اتكلم قلت يعني لازم انا بعد اقول وانت زوجي ومن حقي اعرف وش يصير لك قال هذا انا قدامك اسئليني قمت سكت

قال انا عارف انتي تقصدين موضوع الرسائل

قال تعالي وطنشته جا هو وقعد يضحك قال شوفي اثره مابعد اكتشف اني امسحتهم ويدور عليهم قال انتي ماسحتهم قلت ايه عسى ماتضايقت بس وتسوي نفسك ماتدري لو انك ماتدري كان ماغيرت الرقم السري قال والله اني توني ادري انك ماسحتهم بس عرفت انك امفتشه ابجوالي لاني يوم صحيت لقيت وضعه متغير علي فاقلت اكيد فتشت لذالك غيرت الرقم السري

قال شوفي
انا لو بسوي بلا وبخربط كان والله سويت وانتي بتكونين اخر من يعلم بس الي يردعني اني اخاف الله اولا ومو ناقصني شي في بيتي علشان ادوره برا وانتي عارفه من الاول مبدئي

ثاني شي لو افترضنا انهها فعلا بنت هي ما وقفت عن ازعاجي الا لما قلت لها اني متزوج قلت ليش ترد عليها من الانسان حريقه تحرقها كان طنشتها قال هذا الي صار طنشتها يومين وانتي كنتي امسافره وتوقعت انها لعابه بس قلت خلني احسن الظن يمكن تكون فعلا غلطانه ارسلت لها وقلت غلطانه يقول بعدها بدت تستهبل وانتي قريتي وش قالت يقول يوم مصختها ارسلت لها وقلت الله يستر عليك انا متزوج واحب زوجتي يقول بعدها ارسلت رسالتين بعدين وقفت وما عاد ارسلت شي قلت ليه تقولها متزوج واحب زوجتي قال لو ما قلت لها كذا كان استمرت بزعاجي بس يوم قلت لها وقفت قلت كان طنشتها وعطيتني انا اتفاهم معها قال انتي امسافره قلت كان صبرت وطنشت قال هذا لو سلمنا انها فعلا بنت لانها ما اتصلت بس ارسلت وانا شاك 80 با الميه انهم الشباب يبون يشوفون طينتي ويختبروني قلت احلف انها ماكلمت وما صار فيه شي اكثر من الي قريته قال ورب الكعبه هذا الي صار ما زدت عليك ولا نقصت قلت ليه امقفل جوالك برقم سري لاصرت تقول كتاب مفتوح قال شوفي انا عارف من اول انك تفتشين في جوالي ومن زمان كنت اقولك ودي احط رمز قفل بس اني ماعرفت للجهاز هذا والحين عرفت وحطيته ومو قصدي شي بس ذوقا عيب الواحد يفتش في جوال الثاني قلت انا مماعندي مشكله انك اتفتش ابجوالي لاني مو خايفه من شي وماعندي شي اخبيه قال عارف بس مستحيل افتش ابجوالك قلت عموما انا لو بغيت افتح جوالك بفتحه بطريقتي قال افتحيه قال المفروض تكونين عارفتني وواثقه فيني قلت عارفتك وواثقه فيك واعجبني ردك عليها بس الي ما عجبني انك ماكنت صريح وقلت لي على الموضوع قال لانها ما عاد ارسلت خلاص فاليش افتح مواضيع مالها داعي

والحمددلله فرجها علي ربي وريحني وتكلمنا اشوي بعدها رجع حق شغله يوم جا يطلع قال عسى طاب راسك قلت بسوي نفسي فعلا صادقه قلت يبي لي روحه جلس يضحك وطلع والحمدلله على كل حال

واشكر كل من شرفني برده علي واقولكم الله يوفقكم ويسخر لكم ملائكته في السماء وجنوده في الارض

ودمتم سالمين