شوفي اختي .. هناك نوع من الرجال هو طبعه مزاجي يوم فرحان ويوم زعلان ..
على حسب الطقس .. هو نفسه ما يدري ليه روحه في خشمه مثل ما يقولون ..
وعارفه ان الزوجه تصير على اعصابها ما تدري ليه سي السيد زعلان ..
وتظل طووول اليوم تفكر و تجتهد وتضيع وقتها وطاقتها في التفكير ايش سبب
الزعل ..
وهذا النوع من الرجال صعب انك تغيريه بين يوم وليله ..
لكن انا بقول لك الحل ..
شوفي اختي الحل انك تسأليه مره وحده يا ابو فلان وش فيك ؟
اذا ما جاوبك طنشيه .. ايوه طنشيه ..اهم شي انك ما تكوني انت سبب زعله ..
خليك عاديه جدا .. تكلمي معه عادي و اضحكي مع الاولاد و روحي و تعالي ولا ت
خلي زعله اكبر همك .. يعني مارسي حياتك طبيعي جدا .. بس اختي اوعي
تستفزيه باسلوبك انك مطنشته ..او انك تنظري له نظرات انك مو مهتمه ..
اهم شي تتصرفي طبيعي .. يعني ما تبيني له انك متضايقه لانه هو متضايق وان
الحياه لازم تتوقف عشان حضرته زعلان
وقت النوم عادي البسي وتعطري ولا تحسسيه انك تبغي شي .. حطي راسك
ونامي .. واذا طلبك ابد لا تتمنعي
لكن تعاملي معه بشويه برود عشان يحس شوي على دمه ..
مع الوقت راح يلاحظ انك مو مهتمه لزعله وانك تقومي بواجباته على اكمل وجه وراح
يحس انه وحيد وما احد جايب له خبر
وراح يبطل شوي شوي من زعله اللي ما له داااعي ..
لا تشيلي هم اختي .. وخلي الحياه طبيعيه جدا ..
قوي قلبك خيتووو .. الدنيا ما تسوى زعل ..