قبل أي شي الله يفرح كل من تمنى لي الخير ونصحني ودعا لي بقلب صادق
انتو فعلا اخوه في الله الله يثبتكم يارب والحمد لله الحمد لله في ناس تحب وتخاف مصلحتي
الأخت العزيزه جويريه،تحليلك منطقي جدا، بس انا بديرتي شبابنا صاير عادي يخطب اللي يكلمها وساعات حتى اللي يتقابل معا ها بالسر وصار البعض يفضلها ، وكل اللي كتبته وقلته من الواقع اللي شفته
انا ياربي يثبتني ما ابغي اسوي نفسهم ، وحتى اتوقع الشباب اللي يتزوجون بنات عقب مكالمات طول اليوم ومقابلات سريه لا اتوقع انهم مناسبين لي بس شي مؤلم وايد ان بنات ما عندهم حياء تزوجو بهاي الطريقه يكبر راسهم وينظرون لج نظره شفقه واستكبار
الأخت الكريمه حنان الأمير، يجزيك ربي خير على المداخله، وتصدقين بفتره من الفترات كرهت ديرتي وشبابي صدقيني،بس اتمنى من الله يكون بديرتي ناس طيبه والغربه صعبه بالنسبه لي لأن انا مو قادره اتأقلم مع الأشكال المخيفه بمجتمعي شلون برع الديره مشكوره على العموم اختي العزيزه وما قصرتي

الأخت العزيزه mysoso الله يسمع منك يارب ويجزيك كل خير على الدعوه الطيبه الحلوه
ربي يثبتني من قلبي ادعو لي بالثبات، لأن الحين اسهل شي يقولونه لج تعرفي على فلان ولا كلمي فلان الله يحفظني يارب

الأخت العزيزه نسمات الورده، الله يزفقك ويرزقك انتي بعد يارب

الأخت الغاليه سلامات ياقلبي، بصراحه انتي ونعم الأخت، في كل مره اراكي تخففين عني
يارب الله يفرجها
وعجبني كلامج بصراحه ان الرجال عميان
بصراحه اهم مو عميان، قاعدين يتعامون، ما ابغي ادخل بتفاصيل بس الله عليهم
انا لا اعرف ان كنت واثقه من نفسي اولا، بس يؤلمني لما احد يشمت فيني

الأخ الفاضل بحريني أعزب، الله يكثر من امثالك ويرزقك انسانه على نيتك الطيبه
انا فعلا اسفه ان سببت أي ضيق
وبانتظار مداخلتك اخي الكريم وال>ي سيجعلني متفائله حقا ان تدعو لي بظهر الغيب لاني احتاج بعد الله دعوه الصالحين
في شي برع موضوعي بس يتعلق فيه بشكل غير مباشر
سالته اكثر من مره بس بعد ابي توضيح اخي
ليش الشاب يحب يخرب على البنت الزينه او يركض وراها من اجل شي حرام مع ان يعرف اخلاقها وهو ناوي يتزوج من غيرها؟؟؟
هالشي صار لي فتره طويله مو قارده انسى ، وصلت لمرحله خطيره من التفكير بس استغفر الله هالشي يقهرني


الأخت الحبيبه وعزيزتي cute baby
افتقدت عن جد طلتك وكلامك المريح
صدقتي اختي ، انا ساعات اقول ان كانت هالأشكال سعيده ليش ياتون لي ويتباهون بعلاقاتهم وازواجهم وليش يخافون مني على ازواجهم مع ان يعرفون اني مستحيل اسرق زوج غيري؟؟؟
سامحيني على تقصيري اختي بس الله يعلم بظروفي وانا اعرف انكي تقدري يارب يفتحها علي وعليك يارب

الأخت الغاليه ميني ماوس، يالله يسمع منك يارب، الله يرزقك جناته يارب ويقيك شر جهنم ويوفقك بالدنيا والآخره
بالنسبه عن المعامله،للأسف ما فيها أي احساس للأخرين يعني في عمه تقول اشلكم بالزواج في عمه تضحك على رغبه بنت بالستر، في اقارب مستانسين على وجود بنت عندهم مو متزوجه ، الله يكفيني شرهم ، لو اكتب شنهو سوو فيني من الغيره راح تستغربين يا اختي الله كريم

الأخت العزيزه دودي الحلوه،يارب يارب يرزقك رجل صالح يسعدك

مشكورييين كلكم ويجيزكم ربي خير وكل ما تضايقت راح اقرى كلامكم

وحبيت اعرف رايكم بالزواج عن طريق مواقع الزواج بالنت، بعض المشتركين نلمس فيهم مصداقيه، ما هي جوازها شرعا، وشلون البنت تبتدي وهل فكره جيده للزواج

، بس اوصيكم تدعون لي، انا كنت مقرره اكتب اشيا اكثر تضايقني بس اخاف تعبتر شكوى
احتاج بعد الله دعواتكم
ان الله يرزقني الستر والزوج الصالح وان ينصرني على من يوقف بطريقي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح