ماشاء الله تبارك الله
الله يخليلك عمر واخته ويحفظهم من كل شر
أنا حاسة فيك وبفرحك وسعادتك من تصرف ولدك
لأنه نفس الشي حصل معاية أنا وولدي وعمره 6سنوات
كان يحب السن توب مررررررة
ومرة راح يصلي مع أبوه وطلب يشتري من البقالة واختار السن توب مثل مااتعود
وابوه رفض يشتري له وقاله مقاطعة ...............الولد مافهم وأبوه يحسب انه فاهم
المهم وصل البيت وشفته زعلان وحكاني على اللي صار
وبدأت أشرح له معنى المقاطعة وأنه الدنمارك تسب الرسول وتستهزأ فيه
وفهم ماشاء الله عليه
بس طبعا مو من أول مرة اقتنع ..... يعني لازم لما نروح السوبر ماركت نذكره بالسبب
وفي يوم من الأيام كنت عند أهل زوجي وراح الله يحفظه يصلي العصر مع أولاد عمته
وجاني بعد الصلاة وقالي .........ياماما أولاد عمتي الله يهديهم اشتروا سن توب وأنا قلت لهم رجعوه
حرام نشتريه لأن اللي يسووا العصير يسبوا الرسول ولازم مانساعدهم
وبالفعل رجعوا العصير واشتروا غيره
والله حسيت بسعادة لا توصف وفرحت من ولدي كثير
الله يهديه ويصلحه هو واخوه يارب
سامحيني طولت عليكِ بس حبيت اخبرك عن تجربتي
جزاك الله كل خير
تحيـــــــــــــــــــــاتي