اقتباس:
المشاركة الأصلية كتبت بواسطة Sun_of_me
حبيبتي في الله جويرية
أنا عن نفسي عندي اعتقاد -يحتمل طبعاً الصواب و الخطأ- لكن مش في مسلم مؤمن بقضاء الله و هيحتاج يروح لدكتور نفسي
إذا كنت عاوزة دكتور علشان تحكيله و تفضفضي معاه ،،، فالله السميع البصير المطلع تحكيله و تشتكيله و تقدري تقعدي معاه في أي وقت من غير مواعيد و كشوفات
و إذا كنت عاوزة دكتور علشان يوصف لك دواء طبي يخفف من حالة الإكتئاب ،،، فيكفينا قوله تعالى (ألا بذكر الله تطمئن القلوب)
ربنا يفرج علينا و على جميع المسلمين و يرفع عنا الهم و الغم و الحزن و يرزقك باللي يستاهلك و يفرح قلبك دنيا و آخرة
|
أختي الحبيبة شمس
أكيد ذكر الله بيطمن الأنسان و بيخليه يقدر يستحمل حاجات كتير في الدنيا
بس الناس بتختلف يا اختي و بيقولو صوابع الأيد مش زي بعضها
فيه ناس معندهاش قدرة انها تتحمل المشاكل و ممكن يجيللي انهيار عصبي و ممكن يجيللها كوابيس و تهيؤات ان الجن و العفاريت هما اللي مانعينها من الجواز
فلو فيه حاجة تساعد الناس دي ان هيا تقدر تتعايش مع ظروفها متهيألي دي حاجة كويسة جدا
و بيني وبينك هيا مشاكل مش قليلة يعني لو راجل اتحط في الموقف ده مش حيستحمل ده كله فما بالك ببنت و لسة بردة الخبرة في الحياة محدودة
و الأفضل زي ما بتقولي ان يكون طبيبة مش طبيب
تسعدني مشاركتك دوما اختي الحبيبة