بصراااحة انا سعودية..

لكن عندنا البنت اذا فسخت بعد الملكة.. على طول يكون الاتهام للرجال..


اكيد البنت شافت منه شئ.. وطلبت الخلع..

وبالعكس عندنا احترام لها اكثر.. خصوصا انه راحي بين انها فعلا كان منه العيب..


وعادي صارت وتزوجوا البنات بعدها مافيه اشكال..


بس حبيبيتي لكل ناس طباع.. والدين مو عند كل الناس سوه.



عايلتي اللي انا منها.. اذا انخطبت البنت ما احد يعرف.. وحتى تملك ولا احد يدري.. مافيه اشهار للمكلة عندنا.. وبعدين بعد الملكة اذا حست انها ممكن تكمل معه.. وانه شاب تمام.. مضوا.. وقبل الزواج بفترة ينتشر الخبر..


لكن من اول طقه الكل يدري.. مستحيل..

واحسن شئ.. اتباع قول الرسول.. بما معناه.. انحجوا حوائجكم بالسر والكتمان..


لانه الحين من تملك بنت العيون كله عليها..

وسبق من قرياتي ملكو وفسخوا العقد .. ولا احد عرف..بس من يجي خاطب جديد يخبرونه.. وبالغالب يقبلون.. وعادي ماشا ءالله الحين عندهم عيال..


ووحده تقولي ما كان فيه عيب.. وبدأنا نأثث البيت.. بس تقول سبحان الله عجزت ارتاح.. واستخرت الله كثير.. وكل مره تتعسر.. وطلبت منه الفسخ.. وربي بدلها بزوج كان من تلاميذ بن عثيمين.. وماشاء الله هي واياه اخلاق ودين..

الله يوفقك..

واختي لاتهتمين ابد بنظره الناس وكلامهم..

دام معك الرحمن ليش تهتمين باللي ادنى منه..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء