حبيبتي ابنه ادم
اولا
فكرة انك عانس شيليها من بالك بالمرة كل زمن وله مقايسه الحين قبل كم من سنة كانت العنوسة تبدا من سن العشرين لانه قبلها البنات ماكنن يدرسن ولا يكملن دراستهن الجامعية الحين البنت على ماتخلص جامعة تكون وصلت 25 يعني توها مخلصة دراسة وهذي المشكلة مو حصر عليكي انتي بس البيوت مليانة بنااات من جميع الاعمار وكل البلدان

ثانيا
احكيلك عن تجربتي قد تكون تخفيف عنك لان الحال من بعضه تجي علي مرات احس بضيق شديد والتهي عن الذكر والاستغفار والدعاء وهذا شي طبيعي الشيطان ما يغوي العاصي لانه مو محتاج وسوسته تجي للمؤمن العابد فحاولي تكثري من قول اعوذبالله من الشيطان الرجيم وماتعطي نفسك فرصة للتكاسل على العكس اذا قصرتي في شي ضاعفيه لتقهري نفسك والشيطان

ثالثا
خلي الدنيا اخر همك لانها ماتسوى شي لا تفكري فيها ولا بلاويها كوني على يقين بان لكل انسان رزقه حزنه وغضبه وضيقه ماراح يغير ولا يقدم ولا ياخر في المكتوب غير الحسرة وضيقه الصدر صدقيني اختي انا مثلك تمر علي لحضات مايعلم بها الا الله مالها مبرر لاني الحمدلله مو ناقصني شي ابدا ولله الحمد والزواج اخر همي صحيح اتمنى ان استقر ولكن قدر الله وماشاء فعل والحمدلله على كل حال ولكني استغرب من البنات الي حولي صديقاتي وقريباتي الي اصغر مني و وحالتهم حالة لانهم ماتزوجو للحين السعادة ماننتظرها من اي احد سواء زوج او ابناء او اي حد السعادة شي بايدينا نوفره لنا بالرضا والقناعة وعبادة الله وتطوير انفسنا وممارست هوايتنا وعمل المعروف و... و ...و ....

اخيرا
اسال الله ان يفرج همك ويصلح شانك كله ويسعدك بما يسر قلبك ويرزقك الزوج الصالح والذرية الصالحة عاجلا غير اجلا وكل البنات والشباب ويبعد عنك وساوس الشيطان ويثبتك على الطاعة

__________________
سبحان الله وبحمده سبحان الله العظيم