كلامك صحيح
بس احيانا من كلام المشتكي
انحس بان الطلاق حل مو مشكله
لما الوحده زوجها يخون ويسافر لبرا ماتخاف على نفسها من الامراض وكم مرره قالها
بيتوب ويطلع مدمن عالشي هذا ماننصحها تتطلق
وللا وحده قاعده تقول 7سنين محاولات مع زوجها بجميع الطرق انها تجذبه ومو قادره وهي شابه وصغيره وحلوه وتقول انا فكرت اكلم غيره
بالله هذا مو تتطلق احسن
وحده تقول زوجي يضربني قدام عيالي ويتفل علي ويسبني ويرجع يعتذر لمدة 15 سنه
هذي ماتبينا نقولها تطلب الطلاق وللا نكذب على نفسنا اصبري يمكن يتغير
المراه نفسها اعلم انسان بزوجها اذا بيتغير وللا لا
مشكلتنا بمجتمع الطلاق عندهم مصيبه صحيح هو ابغض الحلال بس ربي ماحلله الا لانه راحه لبعض الازواج
الخوف من الطلاق ومعتقداتنا الخاطئه خلت بعض الزوجات تتحمل الخيانه والضرب وعدم المبالاه من الزوج سنين عمرها لما تموت عشان نظرة المجتمع لها
الله يعين وشكرا