أولاً مبرووووووووووك و ربنا يتمم لك الفرح على الخير إن شاء الله
أنا مش عندي إجابة لكل أسئلتك لكن هجاوب على اللي أقدر عليه
بالنسبة للقشرة : ده ممكن يكون من الجو .. لأن إحنا في شتا و عادة الدهون مش بتنشف زي الصيف و تتطاير فبتتراكم و تكون القشرة .. سمعت كتير عن شامبو كلير (Clear) ناس كتييير جربته و شكرت فيه لكن بصراحة أنا مش جربته
بالنسبة لحشرات الرأس: إذا كنت فعلاً محافظة على شعرك ، فممكن تكون نتيجة تغييرك لنوع الكريم أو الزيت اللي بتحطيه لشعرك . لأن في أنواع مش بتتماشى مع كل أنواع الشعر و بالتالي بتسبب حشرات الرأس
بالنسبة لتشققات القدمين: انقعيها في ماء دافي و بعد كده حطي عليها نوع من أنواع الكريمات المرطبه (أي نوع عندك) و بعد كده حطيها تاني في الماء الدافئ (بالكريم) و بعد كده طلعيها و ادعكيها (بالحجر الطبي) ، و حطي عليها كريم و انقعيها تاني و هكذا
يعني على ما تسيبي قدم في الميه تتنقع بالكريم تكوني خلصتي واحده و هكذا بالتناوب لغاية لما تحسي إنك اتخلصت من أكبر قدر من الجلد الميت
بعد كده نشفيها كويس و ادهنيها بكريم مرطب (و يفضل استخدامك للفازلين الجديد اللي بييجي في التليفزيون اليومين دول) و البسي شراب تقيل لغاية لما تتشرب
و إن شاء الله هتدعيلي
نصيحة أخوية : حاولي مش تلبسي السابوهات من غير شراب تقيل ، أولاً مرضاة لله ثم إنك تحافظي على رجلك من التشققات
و ألف ألف مبرووووووووووووووووك مقدماً ،، و دعواتك يا جميل