افيدوني هل انا على صواب ؟؟
اولا يشرفني اني اشارك معكم ..
بصراحه ما ترددت حينما تهت بالحل ..
اولا انا متزوجه ولي خمس شهور وسوف ابداء من البدايه وهو يوم زواجي اول مارحنا الاوتيل قالي غري وانا بنتظرك ودقي لما تخلصين قلت طيب
وبعد ماخلصت دقيت جلس تقربا نصف ساعه وجاء وتفاجاه لما قالي انه راح لسوبر ماركت يجيب شاحن وتركني لحالي بالاوتيل صح تبتقولون الا وتيل امن ان شاء الله بس انا لما كنا مسافرين احنا واهلي باوتيل...... دخل علينا رجال من غير حتى لايدق الباب ومن حسن حظنى ان اخوي كان موجود .؟
المهم وبعد مازرت اهلي واهله رجعنا للبيت وفتحت معاه الموضوع وقلت له الغلط اللي سواه وان مالي غيره ولو صار شئ هو سندي بينت له الوضع وبينت له اني خفت وماتعودت اني اجلس لحالي حتى بالبيت واهلي يخافون علي وطلبت منه وعد انه مايخليني ابدا ولو طلع لاي مكان بالسفر ياخذني معاه المهم بعد مارحنا صرت اخاف بشكل مو طبيعي مااتحمل يمكن لاني مو متعوده اسافر مع احد ماعرفه فتعلقت فيه المهم بعد مرور خمس ايام طلب انه يشوف المباره برى الاوتيل لحاله مع العلم انه كان فيه مشكله بينا تعرفون اختلاف وجهات النظر المهم صرخ علي وطلع يشوفها برى مع العلم كانت الساعه عشر بالليل وتعرفون الخارج عشر يعني نص اللليل ولما جاء لقاني نايمه وكنت ميته من الخوف وما انكر انه تحسف
ولما رجعنا وتمينا شهر او اكثر وانا بالبيت تاخر علي ووصلت لشيطان الرجيم وربي سهل واجبرني اني مااروح لاهلي الخميس وخلاني اروح الاهله مع العلم مافيه الا اخته الصغيره بس والباقي مو موجود
ولما دقيت عليه قلت اني تعبانه صكر الخط بوجهي مع العلم انه كويس معاي بس فجاه قلب ..وقت مكالمتي كانت الساعه 9 ماجاني الا 12 ولما ركبت السياره لاشعوريا بكيت وقلت ودني لاهلي رفض وصار يهديني ووداني البيت بكيت وصار لي يومين الدموع ماوقفت الا لمارحت لاهله المهم وعدني انه مايعيدها وحاولت ارضى بس لما قالي انتي كذابه كل مره لما نطلع من عند اهلي تسوين مشكله وانا ربي يشهد اطلع من اهلي وانا الدمعه بتنزل قهرني لما قال كذابه وربي للحين في قلبي وانا وربي فيني براه ماتتصورونها وعلى نياتي وماكنت اقصد واحب اهله وربي بكيت ويمكن من شده بكاي سمعوني الجيران ماقدرت بحياتي مابكيت مثل كذا الا لما يتوفى احد ..
والمره هذي قبل يومين نزلت افتح الباب لاخته وهو طالع الحلاق اعطيتها اغراض تبيها بالصدفه تسكر الباب الداخلي وانا بالحوش قلت لبنتها جيبي جوال ماما ولما كلمته مقفل جواله قلت لاخته تطلب رقمه الاني من اختها وبالفعل دقت وكلمت اختها اخوها تخيلو وش قال خلي السواق يجي ياخذ المفتاح من عندي انا بالحلاق؟؟؟؟؟؟؟؟؟؟؟
ولماقالت لي الكلام نزل علي مثل الصاعقه وطبعا اخته بكل برودراجت وخلتني لحالي وانا اخاف وانا داخل البيت فما بالكم برا ..قعدت ساعه الا ربع وانا استنى كنت ميته خوف ولما جت اخته مع السواق فتحت وراحت ..وللمره لاولى ضفيت اغراضي قلت خلاص الرجال ماعنده لاغيره ولا مسؤليه دقيت عليه لاني لقيت مكلمه منه وسالني بكل برود ايش صاير قلت ولا شئ قال ليه تتكلمين كذا مع العلم انا ماعرف انفخ ولا ارفع صوتي لاني اميل لصوت الهادي المهم قال تبين شئ قلت لاء مابي مشكور
ولما جاء لقاني مجهزه الشنطه وتناقشنا ولا اعترف بغلطه وهدد لو اطلع ماراح ارجع وسالني من بيوديك لان شافني مصره قلت له انت قال انا ما اودي احد ارجعه لانه عارف اني مستحيل اطلب من اهلي يجون ياخذوني تناقشنا وطلع وترك اليبت . وقال لو طلعتي بضحكون عليك اهلك لا تتفشلين وانا ادري انه هو اللي بيتفشل وانا مستحيل اوقلهم عشان ما انزل هيبته عندهم.
بعد مارجع كان يحاول لفت انتباهي ووقت قدام التلفزيون عشان اطالعه سالني تبين عشاء قلت لا ولح ومازلت رافضه وسالني ليه مانزلتي الشنطه من فوق السرير ماردبت ودخلت نمت
ومن بكرا جهزت لاغداء ورتبت البيت مثل كل يوم ماقصرت بشئ من واجباته دخل حطيت الغداء وماجلست معاه غرفت له من كل نوع وجلست على الاريكه ولما سالني ليه ماتاكلين قلت مابي قال ليه اجل تناديني عصب وقام من الاكل ونام
بعد ماصحى ولما صلى وجلس شوي فتحت معاه الكلام
؛اهلك لما تقدمت لي ماجبروك واهلي لما وافقو ماجبروني فاذا انت مارتحت وما حبيتني فلا احنا اول ناس وةلااخر ناس ننفصل قطع كلامي وقال اتركي عنك هالكلام واذكري الله وسالني انتي وش اللي تبينه من هالكلام
قلت شيئين سال ايش
الاول انت اللي سويته امس صح ولا غلط
رد بكل ثقه صح
سكت قال وانيا قلت مافيه ثانيا بس اللي عرفته انك ماتحب لان اللي يحب يخاف يغار وماكملت وطلع من الغرفه ماقدرت صرت ابكي دخل علي وحاولت انه مايشوف دموعي ومن امس انا مو ماكله شئ حتى كاس المويه ما دخل فمي جاء وهداني شوي وطلبت منه اروح ارتاح عند اهلي يومين صرخ مره اثانيه وقال اذا رحتي ماراح ترجعين ضحكت بهدوء لعجله في الكلام قلت له سمعت وش قلت بروح ارتاح عندهم قال لاء وطلع
انتظرت شوي وزاد الم راسي تعرفون من امس مو ماكله الى العشاء دقيت عليه وقلت اني مره تعبانه وجاء سالني تبين تروحين لاهلك قلت ايه نفسيتي مره تعبانه بروح اريح سوي قال اوكي بس ايش بتقولين لهم قلت بقول تعبانه معدتي قال اوكي رحت المستشفى اعطوني مسكن واخذوا حليل
رحت لاهلي وهذا انا عندهم وامس لما وصلت لاهلي كلمني وانا ادري انه على اعصابه اني احكي لاهلي وكلمني اليوم بس ماسالني اذا برجع البيت اليوم او لا ء وسلامتكم فقولوا لي انا غلطانه او لاء وهل اللي سويته غلط او لاء مع العلم اني نبهته من الللي لاسمح الله ربي ستر لو احد دخل علي كان او لمن يندم انت ومن ينحط اللوم عليك..وبس
تقبلوا تحيتي