الله عليج يا ام وليد وعلى هالمواضيع اللي تفتح النفس ... لو تكلمت الحين اخاف ما اسكت ...

اهم شي يا أم وليد انه الجو عندنا الحين باوتوا 14 ... الجو تحففه .. صج اشوي اليوم كان فيه هوا ... بس 14 والله صح الحمدلله الحمدلله حذت بنتي وطلعتها تلعب في الحديقة وتغير جو .. من الحكره في البيت عقب الثلج والببررررررد ... اصلا تقريبا الثلج بدا يذوب ..

المهم بخصوص الغربه ... والله يا ام وليد اني احمد ربي ليل ونهار انه رزقني اني اتغرب هال 3 سنين .. وان شاء الله بافي لنا سنه ونتخرج ونرد ... صج بعدت عن اهلي وناسي وماكنت اشوفهم الا في السنه مرة وحده واقل من شهر لكن ربي كريييم ... تعلمت اشياء لو كنت قاعده في بلادي ماكان في امل اني اتعلمهم ...

واهم شي اني تعلقت بديني اكثر واكثر ... وصرت اتفخر اني مسلمه اكثر واكثر .. احس انه فكري صار احسن من قبل ... صرت ما احس انه في فرق بين الناس ومحد احسن من حد .. مع انه هالشي المفروض كنت اتعلمه في بلادي بلاد الاسلام بس للاسف عندنا طبقيه مب طبيعيه ... الحمدلله تعلمت هالشي وااايد هني ..

وتعلمت اطبخ وارتب بيتي واحافظ ع زوجي ... وان شاء الله يوم بنرد عقب التخرج بقدر افتح بيتي بدون حدامه وشغلي موزع بيني وبين زوجي وبيت عيالي اللي بربيهم انهم يعتمدون ع نفسهم ...

تعلمت اتكلم وتعلمت اقر بغلطي ..

غربتي قربتتي من زوجي خاصة انه تغربنا عقب اول اسبوع من العرس ... غربتي علمتني اشلون اقدر بنتي واربيها احسن تربيه واحافظ عليها وما اعتمد ع حد في تربينها بحكم اني ولدت بروحي ومحد كان معاي الا زوجي الله يحفظه <<< الله يستر عاد الحين اذا رحعنا في الاجازه ام زوجي بتدلعها دلع .. ويبي لنا نربيها من يد ويديد ..امزح بس قصدي انه عمتي تشتااااق لها الله يحفظها وهي الفتره الوحيده الي هي بين يدهم ...

يمكن تكون لي عوده لاسرد بعض المواقف المضحكه اللي صارت لي ف الغربه ..

بس عموما تشكرات يا ام وليد ربي يسعد دنياك واخرتك ويجمعك بكل غالي ف الدتيا وفي الفردوس الاعلى .. وتشوفين عيالج وتفحرين فيهم وينصرون امتهم يارب ...

اختكم ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...