أكره هذي الصفة في ابوي..
السلام عليكم ورحمة الله وبركاته..
انا اكره اطلع مع ابوي اي محل خصوصا بالسيارة.. السبب كثرة لعان ابوي.. ابوي طول الطريق يلعن كل من يمر بوجهه.. وكلهم يهود.. والله يلعن ارواح ابوانكم.. والله يطلع كبدك..
ابوي رجال طيب.. وحنون.. بس مشكلته هذي بلسانه.. حاولة معه امي.. وصارت تتهاوش.. الحين ما احد يحب يروح معه..يضايقنا من كثرة اللعان..
وانا اعرف انه في ملك يقول للانسان ولك المثل.. وانه اللعنة حسب ما سمعت ترجع على اللاعن.. ترجع على امه وابوه..
حرام جدي انسان جدا مدين.. ومات الله يرحمه هو وجدتي..
فما ادري كيف اتصرف مع ابوي..
قلنا له عظم الكلمة اللي تقولها.. وانها ترجع عليك.. وعلى ابوك الميت.. زعلت امي وصارت ما تتكلم معه.. وحاولة انا معه بهدوء انه يغير هذي العادة..بس مصر عليها..وهذي من سنوات طويلة معه..
وانا ما اعرف.. احس ربي مو موفق خواني والسبب ادعية ابوي على عيال الناس..
ومره ما انساها وهو صايم.. اخوي قايم من النوم.. وابوي يقوله سكر الباب.. اخوي مو مستعوب.. لانه نايم.. راح ابوي يدعي على اخوي .. يقوله الله يعمي عيونك عن الحق.. والحين اخوي صاير ما يقدر يصلي.. من يجي يصلي يتعب كثير.. وكل ما قدم على وظيفة رفضته جهة العمل..وكل ما قدم على دراسة تتعب نفسيته كثير ويطلع..
اخوي انسان خلوق..بس مشكلة دعواي ابوي متعبه اخوي.. وابوي المشكلة انه ما يثق في اخوي.. ويشك انه يتعاطى مخدرات.. لانه جالس بالبيت مو متوظف.. والله اني اخوي صاير هو لنا الابو.. وهو جدا بار في ابوي..
ساعات يجي يناقشني في اخواني وليش كذا.. ودي اتجرأ مره واقولها له صريح اللي فينا من لسانك.. انت تدعي وكل الناس يهود.. وتلعن.. وتتعاير في عيال الناس.. وبنات الناس.. وسبب كلامك احنا مبتلين.. بس ما اعرف كيف اقولها له.. لانه والله حال اخواني يحزن من وره ابوي..
ساندوني بارائكم.. ولا تحرموني من دعائكم لابوي..
__________________
قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء
التعديل الأخير تم بواسطة دلوعة ومنحوسة ; 03-04-2008 الساعة 11:53 AM