مرحبا سافي ... اللي بدي احكيلك اياه انك طبيعية في كتار جدا في بداية الزواج صعب يوصلوا لهل المرحلة وهذا ما بيعني انهم مش طبيعين على فكرة غالبا النساء بتوصل لهل المرحلة بعد سنة من الزواج كمتوسط... هي غالبا بتكون عدم تعود وتشتت اثناء العملية ...وقلت خبرة لانه احنا مجتمع اسلامي (الحمد لله ) ، هاي بعض النصائح ان شاء الله تفيدك :

اولا : بادري انت اثناء العلمية الجنسية يعني ما تكوني مستقبلة بس، ما بعرف اذا فهمتيني بس لازم انت كمان تتحركي مش بس الزوج .
ثانيا : في تمارين لقاع لحوض مفيدة جدا جدا جربيها و واظبي عليها شوي وهي انك تقعدي ظهرك مستقيم وتتخيلي انك بدك تخرجي من الشرج وبتقاومي هدا الشي وبتشدي العضله ونفس الشي لعضلة البول وعضلة المهبل كرري هل التمارين كل واحد لحاله وكرري بشد العضلات كلهم مع بعض واستني ثواني بعدين ارخيهم ، كرري قد ما بتقدري لانه مفيد كتير للحوض ومفيد حتى بس يحصل حمل ان شاء الله . . اعملي هل التمارين قبل الجماع بشوي كمان .
ثالثا : اشربي خليط من البردقوش والميرمية .
اشربي خليط من القرفة والخلونجان والحلبة (كمية قليلة عشان ريحتها ) والزنجبيل ... بس خديهم بالأيام اللي بعد الدورة وحتى اليوم 13 احسن لانهم حامين شوي .بس مفيدين كتير مش بس لهيك شي بس بمنعوا الالتهابات وبساعدوا على الاسترخاء

واظبي على هل الاشياء وبتمنى من كل قلبي تفيدك ، الله يهدي بالك