المشاركة الأصلية كتبت بواسطة عاشق جواهر

والله وانا اخوك اول شئ اشكرك على ردك

اللي يدور على رضى زوجته صار منقاد فهذي نظرية



اذا رضاء كامل وتنفيذ لجميع الطلبات فسأل الدنيا ومن فيها ؟؟؟
يسمونه منقاد واذا قالك احد غير كذا هذا لم يصدقك القول..
اما اذا كان قصدك
كيف ترضي زوجتك بالسكن معك عند اهلك برضاها ؟؟
فهذا سؤال اخر افرد له موضوع ونجاوبك باذن الله ..

اغصبها على شئ الموضوع مراعاة للمشاعر للإنسانه اللي بتشاركني حياتي فقط لا اكثر وانا ما جيت اطرح المشكله هنا الا علشاني مابي اتخذ قراري ويكون مجحف بحقها او قاسي

ياخي الفاضل ...انت تراعي الانسانه هذه التي هي زوجتك..
طيب هي ليش ماتراعي مشاعرك وتنظر لا مك المسكينه من يوصلها للمستشفي ؟؟
من اللي ترك بنات الناس وطلبتها هي ؟؟
ياخي انا واحد اقولك اذا فيه احتمال 25 % مشاكل مع اهلك فانصحك بالسكن بنفس الحاره وليس بنفس المنزل لكن من كلامك اهلك طيبين وزوجتك بعد طيبه ..
بس مشكلتها تسبق الاحداث..وتتوقع قبل ما تجرب..


واردت ان انظر هل يوجد حلول وسط ترضي جميع الاطراف فقط وحبيت استفيد من خبرتكم

فيه امور مافيها حل وسط ..فيه اتخاذ قرار....

اخوي الموضوع مو موضوع ضعف انا بمقدوري احسم الامر من اول مكالمه كانت بيننا او اقول يصير خير وان شاء الله ترضين وبعد 6 اشهر اقولها والله هذا بيت اهلي ورمموه علشاني وشاركت ابوي في ترميمه بمبلغ وقدره وأخليه كذا واسكن بأجار لا واخليها تجلس حتى لو زعلت مصيرها بترضى يوم يومين 3 اسبوع اسبوعين

ياخي هذا ما قلته لك لكنك ايضا عارضتني ..جزاك الله خيرا ..
فافعل ماتراه مناسبا هذه حياتك ..

لكن مثل ما ذكرت سابقاً يهمني تكون راضيه ولا اعتقد ان اللي يدور رضى زوجته يكون ضعيف وهي ما طلبت شئ حرام علشان تقودني خلفها وتقود المنزل

ياخي الفاضل كلمتين قلتها لك الضعف وتقودك...
صدقني اريد لك الخير واحب لك ان تفرض رأيك من البدايه تدري ليش..
لانك اصبر واحكم عقلا واكثر تجربه وادري باهلك ...وبزوجتك وتستطيع الحكم..
لذا اردت ان اثير غيضك حتى لا تنساق وراء قلبك..
ياخي صدقني لا اتهمك بالضعف لكن اريد لك الخير..



حتى لو كنت ضعيف بنظرك او حسستك اني ضعيف معليش على اللي بقوله لكن احساسك اتجاهي ماراح يقدم ولا يأخر شئ سواء شهدت لي بالقوة او بالضعف
وعموماً الحمد لله لي مواقفي اللي تشهد لي بالقوة

ياخي والنعم فيك..انت لا تعرفني قد اكون اكبر جبان على الارض..
وانت باذن الله قوي والقوه بالمواقف كما قلت والنعم بك وباهلك يالغالي..
فاسف و سامحني فاني اعتذر لك لم اقصد والله اهانتك او جرح مشاعرك
باين عليك انسان مرهف الحس وحساس..
ياخوي اخوك السيف يقدم اعتذاره فهل تقبله ؟؟
اسف لم اقصد ان اقول لك ضعيف او منقاد...
انما قصدت لك الخير لكي تثبت رأيك وتنتبه لزوجتك حتى لا تسيطر عليك...
اردت الخير ...

ارجوا ان تقبل اعتذاري والسلام عليكم..والله يعطيك العافية