والله اخوي مخاوي العز توني كنت اطالع موضوعك وش تكره في زوجتك ..
وكنت اتمنى انك تحط موضوع وش تكرهين في زوجك .. والحمد لله تحققت امنيتي ..
في حركه يعملها زوجي تفقع مرارتي .. يا ربي .. وتحرق اعصابي .. لكن ما اقدر اقول
شي ..الله يصبرني ..
الحبيب اذا كان راجع من العمل او من اي مشوار و تكون وقت وجبة الغدا او العشا
يدخل البيت الاخ و هو هلكان من الجوع ..
يللا يللا طاح الغدا او طاح العشا يا أمووووره .. بغير ملابسي وجاي
وانا على طووول اجهز السفره .. ونجلس انا والعيال ننتظر ..
والمثل يقول مقابل جيش ولا مقابل عيش ..
يمه يالله وين ابوي جوعانين ..
قوم يا ولد شف وين ابوك تأخر ..
يرجع الولد .. ابوي في الحمام واقف يدندن ويحلق و راح يسبح ويجي !!!
يا ويلي !!!
على ما يوصل الاخ يكونون العيال ذبحوني من الحنه والزنه ..
واذا دخل غرفة الطعام وشاف احد من الاولاد ياكل يقول :والله ما لكم خاتمه
ما تقدرون تنتظرون دقيقتين ؟؟!!!!
وهذا قصتنا كل مره يورطني ..