--------------------------------------------------------------------------------
بتاريخ 4 \ 9 \2007
ماتو بعد معاناة دامت 29 اسبوع
ولدتهم يوم 26 _8
سليمين معافين مثل الملائكه اوزانهم كيلو و700 جرام
وماتو بعدها بكم يوم بدون اي سبب طبي فقط توقف القلب مع انه سليم
الى الان لم استوعب الامر
الحمد لله
بتاريخ 5 \ 9 \2007
شكرا لكم جميعا
كلنا مو مستوعبين كيف صارلهم نفس الحاله
يقول الطبيب الاول والثاني صار عندهم تباطؤ بدقات القلب
وعملو لهم انعاش بس القلب توقف تماما
وكلمو زوجي يحضر ولما وصل لقاهم ملتمين على الثالث
لانه بدأه نفس الوضع وبعدها بربع ساعه وبحضور زوجي قالو توفى
وشالو عنه الاجهزه جميعا
وطبيب الخدج انسان يعرف الله وملتزم سعودي يقول لزوجي
حالتهم مفاجئه وليس لها سبب طبي واضح
ويقول قد تكون عين لم تذكر الله وماصلت على النبي
حسبي الله ونعم الوكيل
احس ان الدنيا توقفت خلاص
وزوجي ايضا تعبان ومن يومها مايروح لدوامه
اتمنى ان يكون حلم اعيشه واصحى منه قريبا يالله
لكن الم جرح القيصريه يرجعني للحقيقه المره
اني والده وبالنفاس لكن بدون اطفال
الله يجعل توائمي الثلاثه شفعاء لي
ويصبر قلبي على فقدهم
كل قطعه شريتها لهم اتخيلها
واسرتهم
وبطانياتهم
ورضاعاتهم
وكل شي
بنفس اليوم..
امين
جزاكم الله خير
قد اغيب فتره
ماعدت طايقه اي شي حتى الزوار مارضيت استقبل احد
نصيحتي للجميع وبالذات الحوامل باكثر من جنين
لاتتعجلين باخبار الناس بعدد اطفالك الى ان يوصلون الامان
ويصيرون باحضانك
فهناك من لايذكر الله ويصلي على النبي
كفانا الله الشر
وكثير قالو كيف جابت 3 وهي ماكملت سنه متزوجه بدون ذكر الله
واحدهم قال لوالدي الناس يجيهم طفل ب3سنوات
مو 3 باقل من سنه باستهتار
والاخريقول لزوجي زوجتك هذي هي الودود الولود
حسبي الله على كل من فيه شر
اعاني الان من حمى النفاس لان الحليب متحجر بصدري
وللاسف اشفطه بالشفاطه بدل مايرضعونه اطفالي
اللهم لك الحمد
ادعو لي بالصبر فخيالهمامام عيني بكل وقت
وصوت بكائهم يتردد بمسمعي
بنفس اليوم..
امين يا نصف آدم
وماتتصورين ماافكر باطفال ولا باي شي
غيرهم قلبي تفطر واندفن كل جزء معاهم يارب
ارحمني وصبرني
ودي انام شهر والا سنه بس انسى
دموعي ماتوقف وكأن توني فقدتهم من دقائق
حتى والله مو قادره اكل غصب عني
كل شي ماصار له طعم
حتى امي كرهت جلوسها عندي وزوجي
اجلس لوحدي بغرفتي ومعي قبعات قطنيه كانت
على رؤسهم بالمستشفى
وريحتهم فيها
الحمد لله على جميع الاحوال
بتاريخ 6 \ 9 \2007
يارب ارحمني
احاول افتش عن اي شي يصبرني
بين سطوركم لكن للاسف
الحزن احرقني وصرت مااحس باي وجود
في هذه الدنيا حتى زوجي حاول يكلمني
اليوم لكني مااقدر اواجهه ولا اناظر بعيونه
حرمني من اغلىلحظه حرمني من حضنهم و رؤيتهم للمره الاخيره
ودفنهم بيديه بدون مايخليني اشوفهم
مااتخيل كيف بتكون حياتي بعدهم
لانهم توقفت بتوقف نبض احبابي الثلاثه
والله لو تعرفون كيف صرت افكر انا كل وقت ادعي ربي
يرجعهم وابكي واطلب الله ان يكون حلم و كابوس
وينتهي واراهم بين يدي
اشم رائحتهم حولي
اشمها بين اصابعي اللي لمستهم بها
لونهم ابيض مثل اللؤلؤ واصابعهم ناعمه مجعده
عيونهم ماقدرت انسى نظراتهم لي
في اول مره حضنتهم فيها وكنت اقول للطبيب
يناظروني وهو يضحك علي لاني مو مصدقه
انهم صارو بين يدي
بعد ماحملتهم باحشائي شهور
المصاصات اللي مصوها بالمستشفى
اتلذذ بطعمها الان ورائحتها
نفسي اموت بهالايام واروح لهم بالجنه
لان اللي تموت بالنفاس تكون زي الشهداء
كيف راح اواجه الناس وارد على تساؤلاتهم اللي راح
تقتلني لو تذكرتها
سامحوني
لااجد اي متنفس لي الا بصفحتي هذي
ارجوكم ادعو لي ان انسى اوافقد الذاكره حتى
لاتتوقعون اني سيئه واراد ربي ان يعاقبني
بهم ابدا والله اني احب الناس واساعد الجميع
ومابقلبي اي حقد او حسد على احد
لكن من هم اسوا مني بكثير يعيشون سعداء بلاهم وحزن
ياليتني ماحملت بهم بهذي السرعه
او ابتلاني الله بالعقم كان اهون من انتظار اطفالي
اجزاء مني ثم الموت والحسره على فقدهم
لا اطلب من الرحمن الا ان يصبرني اما العوض باطفال غيرهم
لا اريده لاني ساتذكرهم الى ان اموت
كل مااتخيلهم وحيدين كل واحد في قبر اتألم واموت
الف مره يارب صبرني
يارب صبرني
يارب صبرني
تصدقون من يوم وفاتهم ماتحممت الا بالماء
لان رائحتهم بجسمي والله اشمها قويه
نمت ساعه بالليل و دخل علي بالنوم صوت
بكاهم والله مااتخيل بكاااااااااااااااء اطفالياعرفه
ولما فتحت عيوني تحول البكاء لاذان الفجر
وبعدها صرت ابكي واغمض عيوني وادعو ربي ان اكون بحلم
وان تحصل معجزه افتح عيوني واراهم
لكن فتحتها ولقيت نفسي وحيده بين اربع جدران
تخيلو احس باكتئاب وضيقه غريبه اذا
سمعت صوت امي او دخلت عندي اليوم كله
ماشفتها فقط الخادمه تجيب الاكل وترجع تاخذه
مثل ماهو واذا دخلت عندي اتضايق من ابتسامه
ترسمها انا وين وهم وين مايدرون باللي بقلبي
ارجو من الله ان اتوقف عندهذا الحد
فحياتي ستكون حزن وهم وعذاب
لاني انتهيت بنهاية فلذات كبدي
الحياة الدنيا كلها حزن وهموم لكن الله عنده السعاده
اللي مستحيل نلقاها في الدنيا
ادعو لي بالنسيان فقدان الذاكره الموت
اي شي فيه راحه لي من ان احترق
والناس من حولي واقرب الناس لي يعيشون حياتهم
ويكملونها طبيعي وكأن شيئا لم يكن
خساااااااااااره ضاع مني اغلى واحلى حلم
كم مره سهرت بفراشي وانا اتابع رفساتهم ببطني
المؤلمه الحلوه بالساعات
وكانت الشمس تظهر علي وانا افكر بلبس معين واتخيل نفسي
البسهم وكيف ارضعهم من صدري
واتخيلهم يركضون امامي ويتضاربون على من يجلس بحضني
قد اكون اذنبت يوما وهذاعقابي
ماادري ولكن الله لن يتركني وحدي فهو ارحم من عباده
__________________
اللهم أحفظ لي زوجي وأولادي من كل شر