وعليكم السلام ورحمة الله وبركاتة

ربنا يتمم لك ان شاء الله بخير ويجمع بينك وبين خطيبتك فى مودة ورحمة ان شاء الله طالما الله كاتب لكم نصيب فى بعض

اخى الفاضل اهل خطبتك ماشاء الله عليهم ناس كويسين ودة واضح من كلامك انك حاسس انهم بيعملوك كويس
وهم زى اى اهل عايزين لبنتهم عيشة مكرمة متزعلش منهم هم اكيد مش قصدهم انهم يضغطو عليك بكثرة الطلبات فحاول تقدر حاجة زى كدة ومتزعلش

اخى اتكلم مع والد خطيتك او اخوتها لو عندها اخوات رجال وقلهم انا لو فعلا لو ظروفى المادية تسمح كنت جبت احسن واغلى حاجة بس دى امكنياتى اكيد هم هيقدروا دة خصوصا انهم عارفين الوضع الاقتصادى والغلاء الموجود فى الوقت الحالى عامل ازاى خصوصا انهم رجالة وهم المطالبين بتحمل المسؤلية المادية
حاول تشركهم معاك وتعرفهم بظروفك المادية والاحتيجات اللى محتاجينها وتحسب الميزانية ويكونو ا على علم بها عشان يكونو مقدرين

اما بخصوص خطيبتك متتسرعش عليها بالحكم ان اهم حاجة انها تجيب اللى هى عيزاة بغض النظر عن ظروفك
خلى كلامك معها وقلها على كل ظروفك بصراحة قلها ان الله لا يكلف نفسا الا وسعها) قلها ان فى اولويات اهم من الكماليات ممكن نبتدى حيتنا ان شاء الله بكل حاجة بس مش لازم تكون اغلى حاجة عشان ربنا يقدرنا ويجمع بنا فى اقرب وقت ان شاء الله ... حاول تعرفها بظروفك المادية والاحتياجات اللى محتاجينها وتحسب الميزانية وتكون على علم بها عشان تكون على علم بوضعك وصدقنى ان شاء الله سعتها هى اللى هتتطلب انكو تقللو من المصاريف وتحاول تقتصد عشان ربنا يجمع بينكم على خير ان شاء الله


واستخير ربنا دايما وادعى فى الثلث الاخير من الليل ان يكتبلك الخير ويسخرلك الدنيا عشان تعف نفسك ويكرمك ويوسع رزقك بكرمة وفضله ان شاء الله

تم التصويب الإملائي ونأمل الابتعاد عن اللهجة المحلية
المشرف / شاطئ المحبة