اقتباس:
المشاركة الأصلية كتبت بواسطة قطرة حياة
نفس حالتي هو اللي سابني بدون أي مبرر أو سبب , الله لا يرجعها أيام
و ما تخافيش كلنا بندعيلك ربنا يرزقك الزوج الصالح و الحب الطاهر الدائم
و بقولك ايه , غيري جو بقا و اخرجي مع صحباتك أو أهلك , اعملي زيارات , فسح ظريفة , استغلي الجو الجميل الأيام دي
بلاش قعدة البيت و العياط على السرير و الكلام ده ( هههههه ده عقلي الباطن بيفتكر الهبل اللي كنت فيه )
فرفشي كده و صدقيني حييجي يوم يتمنى ظفرك و يقول ياريتني
طيب أقولك قصة غير قصتي
حصلت أول امبارح لوحدة صحبتي من ابتدائي
هي كانت بتحب شاب ثلاث سنين و كان مكلم مامتها و مامته على الموضوع و زيارات و هدايا غالية و بلاوي متلتلة
فجأة من سنة كانت خارجة معاه قالها بصي بصراحة أنا ما استاهلكيش و لازم ننفصل و أنا مش مستعد للجواز و أنا من النوع الهوائي و ده حيأثر علينا
صحبتي انصدمت صدمة و الله ما أقدرش أحكيلك عليها , حب تلات سنين و هدايا و فلوس و صرف بمناسبة و من غير مناسبة و هي بنت على قد حالها قوي , عيطت و اترجته انه يراجع نفسه و خسارة الحب اللي بينهم و ما ينفعش , و قالتله طيب بس قولي ايه اللي غيرك , عملتلك حاجة زعلتك ؟
قد ايه كانت صعبانة عليا و مامتي تجيبلها عرسان و هي كلمة وحدة لا أنا مش عايزة اتجوز , لا لا
غير نمرة تلفونه و أمه اتصلت تقولها أنا لميت صورك لو عايزة تاخديهم , أمه كانت متأثرة بس مش قادرة تعمل حاجة
المهم أول امبارح الأخ اتصل بأهلها عايز يتقدملها و بيقول إن لف الدنيا و عرف إن مفيش أحسن منها و انه ندمان
بس أهلها رفضوا لأن البنت يا دوب من شهر فتحت قلبها لإنسان يا رب يكون كويس
و رفضوا لأن بنات الناس مش لعبة
بقاله يومين يتصل كل شوية و يحاول يقابلها و يصلح , بس مفيش لأن اللي اتكسر عمره ما يتصلح
أنا ممكن أحكيلك مليون قصة على المواضيع دي بس حكتفي على قصتي و قصة صديقتي لأن دول القصتين اللي عشت تفاصيلهم وجدانيا و روحيا
ما تنسيش كلامي , فرفشي و غيري جو و خلي صحباتك و أهلك يساعدوك في ده
يا حنان يا منان خفف عن أختنا المصرية كربها و أرزقها برزقك الواسع الزوج الصالح الذي يحبها و يحن عليها
أمين
|
يأختى كل القصص دى انا شوفت منها كتتتتتتتتتتتتتير أوى فى جامعه قصاد عينى
والله والله ياأختى انا ناس كتير كانت تشوفنى كانت بتطلب منى الارتباط ورسمى وأغلبهم مستويات وكنت برفض قبل ماارتبط
وكل صحابى كانو يتريقوا يقولو عليا قاسيه ومعرفش أحب اصلا وكنت بتريق على اللى يحبو ويقعدوا يعيطوا وينهاروا والكلام ده
لما أرتبط شوفت ان يستاهل احبه ومش أخاف على قلبى لانه مع شخص أمين
لكن مشاكل وحصل اللى حصل
عشان هو أصلا مش ليا
ياأختى من كتر ماأحنا كنا كويسين مع بعض ولا فى اختلاف على شيئ ونفس المستوى ومتوافقين
وشخص تقولى ملاك أول ماتشوفيه وأد أيه بيحبنى
وسابنى تفتكرى بعد اللى حصلى ده
أئمن لراجل تانى
ده لوفى واحد طلع قلبه أدهولى والله ماارجع أئمن لراجل تانى
دول صامتين عكسنا اللى فى قلبنا على لسانا لكن دول متعرفيش بيفكرو فى ايه بظبط
لكن انا بس زعلانه على اللى انكسر جوايه بس خلاص صلحته:14:
وانتى الوحيده فى المنتدى حاسس بيا
__________________
التعديل الأخير تم بواسطة الوفية لوالديها ; 16-04-2008 الساعة 06:26 AM