قطرة حياة ...... الله يسعدك يااااااااااااارب آمين آمين آمين ... وان شاء الله اني راح اتخذ خطوة جريئة
بالنسبه للعيال والله مااظلمه ... هو زين معهم ويحبهم ... بس تربيته غلط في غلط .... يعني مايربي فيهم احترامي وتوقيري الا ماندر ( اذا كان يبي شيئ مني !!) ...اذا قلت لا قال ايه والعكس صحيح ... لدرجة ان اكبر عيالي وعمر أقل من 4 سنوات اذا بغى شيئ وما عطيته يقولي والله أعلم عليك بابا !!!! تخيلي ... مره زوجي الموقر(على فكره تراه يحمل درجة البكالوريوس) مره ضرب زوجته الأولى بعصا !!! وشافوه عياله ومن ضمنهم ولدي ... تدرين وش صار يقولي ؟؟ صار يقول ماما انا بجيب عصا بابا وأضربك !!!! هذا اللي يخليني أعمل ألف حساااااب لهالعيشة وافكر بالطلاق ... يعني انا ماطلعت من هالدنيا الا بهالولدين ... ولو باصبر فأنا راح أصبر عشانهم... بس يخربهم علي بتربيته كذا ؟؟ ماأتحمممممل !!!هذا غير انه شايل ايده من مصروفهم نهائيا ً ...!!! اما بالنسبه لزوجته فالمسكينه والله انها تعاني اكثر مني لأنها ترد عليه وماتسكت بس تاخذ على راسها وصابره لأن وضع أهلها صعب شوي وعندها منه بنات ... يعني لو بتتطلق بياخذهم منها بحكم المحكمة!! تصدقين انه مره خنقها وبغى يذبحها !! لدرجة اني رحت عشان اواسيها وشفت آثار ايدينه على رقبتها .... تقولين لابسة عقد أزرق!!!! .... عموما ياغاليتي والله ومالك علي يمين انك أسعدتيني بتفاعلك مع موضوعي عسى الله لا يحرمني منك ومن ردودك المشجعة...
برعم الورد ... كان الله في عونك وعون أولادك ... والله اني شايله هم هالشيئ جبل فوق راسي بس وش السواة؟؟؟
تصدقين اني مره كلمت أحد القضاة استشيره .. تدرين وش قالي ؟ قالي ياأختي بعض الأباء بعد أولادهم عنهم غنيمة .. وياكثر الحريم اللي طلع من تحت ايديهم رجال ... وهذا اللي انا أرجيه من الله .. اسال رب السموات انه يجعل عيالي وعيالك قرة اعين لنا .. وان شاءالله نشوف الناس بكرة تشاور علي وعليك وتقول هذولا اللي ربوا الرجال ..انه على ذلك قدير