سبحان الله والله قد خطبني موظف في مستشفى ورفضت لأن الافكار اللي براسي طبق موقفك تماما
كنت اخاف من الموظفات اللي بالمستشفى!!
والحمدالله والشكر زوجي عمله مافي اختلاط ابدا
صراحة ضاق صدري من كلامك مرة واعذريني اذا ضايقتك
شوفي ياعزيزتي انا تأخرت بالزواج وتوني متزوجة من فترة
عمري 27 وكنا نشوف رجال في النت وافكارهم وكلامهم ويعجبني
وكنت مثلك بحاجة لرجل وماقدرت احصل
واقدر بسهولة احصل في النت واحب وانبسط واتعلق ومااكذب كان عندي رغبة كبيرة اني اسوي هالشي رغبة لحاجتي وغريزتي لكن كفكرة رافضتها نهائيا
لكن على طول اتذكر شلون ربي بيوفقني؟ كيف اعيش حياتي الجديدة على باطل
( مابني على باطل فهو باطل)
داومت على قراءة سورة البقرة واكثرت من الاستغفار والصدقة وكنت اروح لشيخ يقرا علي والحمدالله ربي فرج علي وتزوجت
ويوم تزوجت صرت اقول دايم الحمدالله اني تأخرت بالزواج الحمدالله ان اللي خطبوني كلهم راحو عشان اخذ زوجي( ماشاءالله)
فمابالك بالرجال هذا متزوج ومستقر بحياته وفجأة تطلع عليه وحدة تغير حياته
والله اتخيل زوجته مسكينة ماتدري
تدرين انك اذنبتي في حقه؟ اولا اكيد انه انشغل عن زوجته! وصار يفكر بوحدة بالحرام؟ ويضيع وقته بالكلام معك بالحرام؟ ويضيع تفكيره!
وانت اذنبتي بعد
تراك كبيرة وفاهمة احذفيه على طول او غيرري ايميلك كللللللله
لاتقولين احبه حنا يالبنات عشنا بدون حب ويوم شفتي احد يهتم فيك قلتي احبه
اتركيه وحاولي تتناسين تلاقيين نفسك بادية من جديد
يله تعوذي من ابليس وصلي ركعتين ادعي ربك وتوبي وشيليه من الماسنجر
والجأي لربك بالدعاء وان شاءالله ربي يرزقك الزوج الصالح
__________________
اللهم لك الحمد والشكر
"ولئن شكرتم لأزيدنكم"