اقتباس:
المشاركة الأصلية كتبت بواسطة رماني زماني
حبيبتي انتي لج حق يكون لج بيت مستقل .. انتي بعد مايبتي الياهل تسوي فيج هالشكل عقب شراح تسوي
ولو انتي ببيت بروحج محد راح يتكلم عنج سواء نومج او اكلج او لبسج لأنه محد يشوفج منهم المهم قبل ماتكرهين نفسج
حاولي تفهمين ريلج دام اهو ميسور حاله ويشتغل بالتجاره ان يوفر لج سكن خاص فيج بدون ماتذكرين مساوئ أمه لأنه
بيعاند اكيد مافيه حد يرضى على امه واكيد بناتها كل وحد ببيت والله ساتر عليهم .. تلاحقي روحج واستقري ببيت
وفيه شغلتين ماعجبني فيج شلون يتحكمون بلباسج ليش مارفضتي من البدايه روحة السوق وان حد يختار لج حتى
مايتمادون ومسألة إن أنتي ماتشيلين شي ببيت امج لأ غلطانه انتي ببيت ريلج الحين وملزومه انتي يروحج تنظفين غرفتج
مو الخدامه ليش تيبين الكلام لج وحاولي تعدلين من نومج واذا اعترض زوجج قولي له اذا تبي تقعد وياي تعال بدري انا مو
ملزومه اسهر انا حامل وتلزمني نومة الليل ... اتمنى كلامي واضح.. وبالتوفيق
|
مشكوره حبيبتي على الرد .. وباخذ بنصيحتج بس هو رافض يطلع من بيت ابوه حبا فابوه ابوه جدا طيب وما يخصه فحد بس امه شر وفتنه اعوذ بالله وعفان الله .. وحاليا يبنون لي بيت فبيتهم .. وريلي يقولي لا تنظفين الغرفه الشغاله بتنظف ويوم ييت بشتري مكنسه قالي ما يحتاي الخدامه بتنظف ..
التعديل الأخير تم بواسطة حرم المرزوقي ; 21-04-2008 الساعة 12:37 AM