شي طبيعي فبداية الزواج ام الزوج بتكون بهالطريقة
انتي للحين ماعرفتيها ولا فهمتيها
هي يمكن قلبها طيب
بس اكيد بيكون فيها غيرة شوي لانج خذتي ضناها
ماعليج بس نصيحتي لج
لاتعاندينها ولاتبينين لها انج متضايقة منها
حاولي تستحملينها فالنهاية هي ام زوجج وتخيلي امج مكانها اكيد بتتحملينها حتى لو كان فيها عيوب لانها فالنهاية هي امج وهذي ام زوجج اللي ماعندج اغلى منه واللي عطتج اغلى ماعندها
تحمليها فالبداية بلا مشاكل وعوار راس وخليها تسوي اللي تبيه ومع الايام بتلين وبتحبج مثل بنتها بس السالفة يبيلها شوية صبر وسعة صدر
مع مر الايام والسنين بتضمج وبتضم عيالج وبتتذكر حسن تعاملها معاج
انا والله حاسه فيج لان نفس القصة صايرة جدامي
حاولي تسوين اللي قلت لج عليه بتعيشين مرتاحه
الله يوفقج
طمنيني عليج عقب
__________________
اللهم اني أسألك الثبات على الدين وحسن الخاتمة
اللهم صبرني إلى أن ألقاك
اللهم اني أسألك نفسا مطمئنة بلقائك