المشاركة الأصلية كتبت بواسطة ام الحسين و عمر

امس طول اليوم و انا وراها ابي اكلمها و اهي تتجاهلني

انا و اختي ام زوجي كنا نتكلم و ام زوجي كانت ترزيني صور الشقه الا امي دشت راويتها

قلت لها يمه انتي اللى بتختارين اثاث الشقه لانه زوجي ترك الخيار لي ما قالت شى

التفتت على ام زوجي و تقولها يا ام فلان بيتكم كبير اكيد فى غرفه خلوهم يسكنون عندكم شهرين 3 شهور

عشان تاخذ ع الوضع ام زوجي قالت انا اتمنى بس الولد حاب يعيش بروحه امي ما قالت شى

بعدها خذت رقم زوجي من اخوي و كلمته اكثر من 10 دقايق و رجعت مبتسمه و تقول ترا الريال مثل الياهل كلما كانت

معاملتج زينه و اخلاقج طيبه معه تعلق فيج هو يتزوج عشان يرتاح يرجع البيت يلقى الامان و فى وحده تخفف عليه

و لا تقولين ما اعرف اذا طلب شى قولي بحاول و لك كل الرضا!! و باستني تقول كبرتي و خلاص بتروحين بيت زوجج

قلت لها يمه اذا انتي مب راضيه خلاص نلغى كل شى و اهى مصدومه

تقول انتي غبيه تبين تطلقين من واحد شاريج و يبيج قلت لها يمه الريل يتعوض بس انتي لا عصبت على

و قامت تمدح زوجي و اهله و تنصحني و قلت لي كلام و الله اول مره استحيت منها

و سئلت زوجي شنو قلت لها و هو مب راضي يقول لى بس يقول الله يساعدني و يضحك!!

جزاكم الله خير و كثر الله من امثالكم