أنا أقول انك تصبر لا تتصل، بس اذا طالت الفترة وما اتصلت ابعث لها مسج عتاب خفيف وأكيد هي بترد عليك وان شاءالله راح تردون تتواصلون بالاتصالات،
وأنا من رأي ان البنت كويسه يعني لما ما عجبها الموبايل ما احرجتك بالعكس بينت انه عاجبها بس بدلت بواحد ثاني ما فيها شي!
وبعدين اهي لما تطلب هالطلبات تختبرك تحبها ولا لا! في بعض البنات وأنا كنت منهم أقيس محبة زوجي لي بالهدايا وبالمادة يعني اذا لبى لي طلباتي يعني يحبني واااايد بس ولله الحمد غيرت هالفكرة نهائي بعد ما نضجت شوي!
البنت فعلاُ زينه يعني لا تحب تسمع أغاني ولله الحمد وتجاملك في مكالماتها وتظهر مشاعرها وغيرك يموت ويلقى نص كلمة وشوف مشاكل بعض الاعضاء!!
اصبر عليها البنت مب قد مسئؤلية وصعبه تلقى نفسها مسؤلة عن بيت وزوج ترى هالفكرة كانت رعب بالنسبة لي وأعتقد الها بعد! انا دائما متعوده انه في أحد شايل مسؤليتي وفجأه القى نفسي شايله مسؤلية غيري؛ بيت وأطفال باذن الله ترى هالشعور طبيعي عند كثير من البنات وأنا أولهم!!
فعلاُ اطلب منك انك تتريث وما تتركها البنت يبغيها صبر وقليل من الحزم هذي فترة ملكه خلها تاخذ انطباع مريح عنك لا تخوفها منك!
مادري أحس من كلامك انها مثلي بعض الشي
أنا بس لما لمح زوجي ان مب قادر يحجز لي في أحد الفنادق الفخمة ........
بصراحة خفت انه يكون من النوع البخيل والحريص!! ما كنت ابداً مقدرة انه الزوج يكون محتاس آخر حوسه من ناحية المادة! ولمت نفسي بعدين على هالتفكير الأناني!
ان شاءالله بتتغير على ايدك والحياة بتعلمها شغلات هي غافله عنها

الأخت الفاضلة يمنع ذكر أسماء الفنادق والأبراج التجارية ونحوها
المشرف / شاطئ المحبة