انقذوها قبل ضياع حياتها
أول مره أكتب في هذا القسم
وعن مشكلة مو ليا طبعا لوحده من اعز صديقاتي
حابه انكم تساعدوني في حلها مررررررره زعلانه عليها
الحكايه ان صديقتي متزوجه لها 5سنوات وعندها ولدين
من اول سنه من زواجها اكتشفت ان زوجها يخونها مع وحده كان يعرفها
من زمان وواجهته وماأنكر ووعدها انه مايتصل عليها تاني
وتاني سنه برضو نفس الحكايه اكتشفت خيانته مع وحده ثانيه
وواجهته وما أنكر
وقبل كم شهر اكتشفت انه عندو رقم تاني ويكلم وحده هيا خلاص
أستسلمت وتعبت لدرجة انها كرهته وكرهت كل شيء يربطها فيه
وفكرت تتطلق أهلها مارضيو وقالولها لو رجعتي حنرجعك تاني له
من هذا بدأت المشكله اللي انا شخصيا تاعبتني
أتصل عليها واحد غلطان في الرقم وسار بس يتصل وهي في لحظه يأسها
كلمته وأتعرفت عليه وبكل أسف حبته وهو حبها وطلع يقربلها من بعيد
وبدأت هي كمان تخون زوجها
وانا بصراحه مو عاجبني وضعها أبدا حاولت معاها لكنها رافضه اني حتى أتكلم في
الموضوع ذكرتها أنو حرام وربنا مايرضى وحاولت أني اقنعها تتغير
للأسف هي دخلت في مرحلة استسلام عجيب وقالتلي يعني مو حرام اللي يسير
فيني
ياليييييييييييييييييييييييييييت تلقولي طريقه تنفع معاها علشان انقذها من الضياع اللي هي فيه والله انا مره زعلانه على أولادها وعلى حياتها