السلام عليكم ورحمة الله وبركاته
أختي إنتفاضة قلب
أتوقع والله اعلم أن أباك يغار من زوجك
فعليك بالتالي .. أن رأيته صواباً ويناسب والدك فأفعليه ..
1- أهدي والدك ساعه مثلا وقولي له ان زوجك اشتراها له ولاكنه خجل من تقديمها بنفسه لعدم وجود مناسبه رسميه ..
2- اذا سافرتي انت وزوجك مثلا خلي كل الهدايا حقت اهلك عاديه جدا .. وأنتقي لاباك شئ راقي وفخم جداً
وإذا رأيتي بوادر الأعجاب عليه والسرور .. قولي له أنها من أختيار زوجك وأن زوجك هو من اختار ان تكون مميزه ..
3- لو صار موقف وأبوك سوا شئ حلو يستاهل الشكر .. مثال ..
كانوا مجتمعين بعزيمة رجال والدك + زوجك + رجال اخرين .. وقال والدك كلمه مهمه أو أًصلح بين شخصين على ملأ
أو اقترح أقتراح مميز فيه خير للناس .. (إن شاء الله تكون وصلت الفكره)
تعالي اليووم الثاني وقولي لوالدك فلان (زوجك) قالي انك قلت كذا وكذا .. والله مره انعجب فيك وبشخصيتك
وقعد يقولي انهم انبسطوا من كلامك وانهم شكروا فيك صح ؟؟ والله مره يحبك وقال وقال ...!!
(إذا مافهمتي فكرتي الاخيره قوليلي)
تدرين اختي زي كذا ابوي نوعا ما ماايستطرف زوجها
ويحاول يطق طق عليه .. لانه زوج اختي خجول جدا وماهو اجتماعي ..
وكانت تسوي هالحركات ونفعت مع ابوي كثير ..
4- لو والدك سافر مثلا او من غير شر كان تعبان خلي زوجك اول واحد يعزمه ويسويله ذبيحه ..
ويتكلف علشانه ترا الرجال يحبون هالحركات ...!!
وإن شاء الله لو لقيت افكار ثانيه تفيدك حرجعلك ..
بس إنت لاتشيلي هم وتأكدي كلنا واقفين معاكي
واتمنى افكاري تعجبك
أختك
ضئ النبراس 2
التعديل الأخير تم بواسطة ضي النبراس 2 ; 27-04-2008 الساعة 03:05 AM