أتفق مع الأخوات , هدي أعصابك لأن العصبية حتخليكِ تقولي كلام تندمي عليه بعدين
أولا ادعي الله يوميا في جوف الليل و استغفريه كثيرا و ادعي إن يحفظلك زوجك و يحببه فيكِ
ثانيا ابدئي بكسر أي روتين تسرب لحياتكم , غيري في لبسك , تسريحة و قصة شعرك , أو حتى أثاث بيتك لو تقدري
ثالثا سمعيه كلام حلو و اشبعي رغباته عشان ما يفكرش يدور بره
رابعا بعد شهر شوفي الرسائل مستمرة أو لأ , و هل هو بيرد على الرسائل ؟ و بيرد يقول ايه ؟
هل عندك مشاكل في الحمل ؟ ربما زوجك يريد المزيد من الأطفال و يفكر يتزوج بالحلال من صاحبة المسجات
و بعدين ليه بتقولي خائن ؟ مش يمكن دي زوجته التانية أو خطيبته ؟؟!!
ليه افترضتي على طول انه خائن ؟ و إذا انتي من النوع اللي يعتبر الزواج التاني خيانة فأنصحك أختي إنك ما تهديش بيتك بإيدك , و العصبية و الإتهامات و الزعل مش حيفيدوكي بشيء لو طلع متزوج لأنك كده بتثبتي انه كان صح لما قرر يعملها و بتديله المجال انه يستمتع فيها من غير ما يحقق مبدأ العدل لأنك مش عايزاه أو بتشتميه أو غيره
ربنا يهديكِ و ييسر أمورك