اشكركم جميعا على تفاعلكم معي
زوجي لا يحس فيني يمكنكم قرائه مشاكلي القديمه في المنتدى
زوجي اذا عاملته ببرود او اهتممت فيه زياده عنده واحد
زوجي يقولي متينه وانا جسمي ملكان هو يشوفني متينه بعيونه بس لان مايشوفني ولا قادر يشوف جمالي تخيلو مره قعد معاي وقالي ابي اشوف عظام عامودج الفقري من الظعف (شلون)؟
ارد على بعض الاخوات واقول لهم انا اصلا مشتركه بنادي صحي وانا اصلا خبيره مكياج واضع مكياج للبنات واموووت على البخور والعطور لدرجه انه يسميني الساحره لان كل مايدخل علي يشوفني ابخر البيت واتبخر
شوفو نظرته وتعليقه لاني نظيفه شلون ؟السبب واضح لانه ما يحبني
لو واحد ثاني جان مات على زوجته من هالحركات
وارد على بعض الاخوات بقولهم اني راضيه بالزنا
بالعكس انا مو راضيه لامى ابيه وخايفه عليه وابي ابعده بس مو بالزواج منها
لان مستواها جدا واطي ومو متعلمهولا تشتغل لا اهيا ولا ابوها ولا حتى خوانها جميعهم عاطلين عن العمل
كلمتها مره كان السانها وايد طويل لدرجه اني ما قدرت اكلمها
كلمت امها اطلعت نايمه وما تدري عن شي والمسكينه مو قادره عليها
الفكره الاخيره الي في بالي اعلم ابوها او اخوانها
تعبت وايد منها ومن زوجي
انا مافيني شي ارد واقول للي يقولون لي غيري من نفسج
انا هاديه ورومانسيه واحب اعيش الحب مع زوجي
لانه كان انسان وايد زون اول ماتزوجنا ومو مصدقه انه تغير احس اني مع رجل اخر
وايد قاسي معاي وايدمو متقبل اقوله حتى لمني او ابي ابوسك يتنرفز
بالاول كنت وايد اتصل عليه وهوا بالشغل بس بدى يتنرفز وصرخ علي
فحاولت اني اقلل اتصالاتي
ولما يرجع اساله ما ولهت علينا يقولي بلا بس بدون ما يحط عينه بعيني اقوله زين ليش لما حسيت انك ولهان ما اتصلت تسمع صوتي يقولي ما عندي وقت وانتي شتبين وماتحمدين ربج وماتقدرين شغلي ويتخانق معاي ويقعد اقل شي شهرين ما يكلمني هذى ابسط شي
ردودكم لي اهيا الي تهون علي واحس ان الدنيا بخير وفي احد واقف معاي